ବାସୁଦେବପୁର ୦୬/୦୨: କାଳ ହେଲା ଘନ କୁହୁଡି । ଦୁର୍ଘଟଣାଗ୍ରସ୍ତ ହେଲା ଯାତ୍ରା କଳାକାରଙ୍କ ଗାଡି । ଦୁର୍ଘଟଣାରେ ଗାଡି ସମ୍ପୂର୍ଣ ନଷ୍ଟ ହେଇଯାଇଛି । ତେବେ ଅଳ୍ପକେ ବର୍ତିଲେ ଯାତ୍ରା ସ୍ଵର୍ଣ୍ଣମହଲର ସୁନାମଧନ୍ୟ କଣ୍ଠଶିଳ୍ପୀ ମାନସ କୁମାରଙ୍କ ସହ ଅନ୍ୟ ୩ଜଣ ନୃତ୍ୟ କଳାକାର ।ବାସୁଦେବପୁର ଥାନା ଭୈରବପୁର ପଟା ପୋଲ ନିକଟରେ ଘଟିଛି ଦୁର୍ଘଟଣା ।
ସୂଚନା ଥାଉକି, ରାଜକନିକାରୁ ଯାତ୍ରା ସାରି ନିଜ ଘର ବାଲେଶ୍ୱର ଜିଲା ସୋରକୁ ଫେରୁଥିଲେ କଳାକାର । ଏହି ସମୟରେ କୁହୁଡ଼ି ହେତୁ ରାସ୍ତା ଦେଖାଯାଇନଥିଲା । ଭାରସାମ୍ୟ ହରାଇ ଗାଡିଟି ମାଡିଯାଇଥିଲା । ଫଳରେ ଦୁର୍ଘଟଣାରେ ସାମାନ୍ୟ ଆହତ ହୋଇଥିଲେ କଳାକାରମାନେ । କିନ୍ତୁ ବଡ ଅଘଟଣରୁ ବର୍ତ୍ତିଯାଇଛନ୍ତି ।
