ଭୁବନେଶ୍ୱର ୦୩।୦୪ : ରାଜଧାନୀରେ ପୁଣି ହତ୍ୟାକାଣ୍ଡ । ଜଣେ ଯୁବକଙ୍କୁ ହତ୍ୟା ପରେ ଗଛରେ ଟାଙ୍ଗି ଦେଲେ । ଭୁବନେଶ୍ୱର ଏୟାରଫ୍ଲଲ୍ଡ ଥାନା ଅଞ୍ଚଳରୁ ଜଣେ ଯୁବକଙ୍କ ମୃତଦେହ ଠାବ ହୋଇଛି । ମୃତ ଯୁବକ ଏୟାରଫିଲ୍ଡ ଥାନା ଅଞ୍ଚଳର ଜିତୁ ବେହେରା ବୋଲି ଜଣାପଡିଛି ।
ଖବର ଅନୁଯାୟୀ, ବୁଧବାର ବିଳମ୍ବିତ ରାତିରେ ତିନି ଜଣ ଯୁବକ ଏକ ବାଇକ୍ ଯୋଗେ ବିରିବନ୍ଧ ମଶାଣୀ ଆଡ଼କୁ ଯାଇଥିଲେ । ହେଲେ ଫେରିବା ବେଳକୁ ବାଇକ୍ରେ ଦୁଇ ଜଣ ହିଁ ଆସିଥିଲେ । ବାକି ଅନ୍ୟ ଜଣଙ୍କୁ ଦେଖିବାକୁ ମିଳିନଥିଲା । ଏସମସ୍ତ କଥା ସେଠାରେ ମାଟି କାମ କରୁଥିବା ଜଣେ ଜେସିପି ଡ୍ରାଇଭର ଦେଖିବାକୁ ପୋଲିସ ଆଗରେ କହିଛନ୍ତି । ତେବେ ସେ ଯୁବକମାନେ କିଏ ଏବଂ କାହିଁକି ଜିତୁକୁ ହତ୍ୟା ପରେ ସେଠାରେ ଟାଙ୍ଗି ଦେଇଛନ୍ତି ? ନା ଜିତୁଙ୍କ ମୃତ୍ୟୁ ପଛରେ ଆଉ କଣ କାରଣ । ପୁରା ଘଟଣାର ତଦନ୍ତ ପରେ ହିଁ ସତ ସାମ୍ନାକୁ ଆସିବ ବୋଲି ଅନୁମାନ କରାଯାଉଛି ।
ସେପଟେ ଏୟାରଫିଲ୍ଡ ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଇଛି । ଏହାସହ ବିଭିନ୍ନ ଦିଗକୁ ନେଇ ଛାନ୍ଭିନ୍ ମଧ୍ୟ କରୁଛି । ପୋଷ୍ଟମର୍ଟମ ରିପୋର୍ଟ ଆସିବା ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ପୋଲିସ କହିଛି ।
