ବାରିପଦା୧୩/୯: ଗଣେଶ ମୂର୍ତ୍ତି ବିସର୍ଜନ ଅଘଟଣ । ଦୀର୍ଘ ୪ ଘଣ୍ଟା ପରେ ମିଳିଲା ୨ ଛାତ୍ରଙ୍କ ମୃତଦେହ । ୨ଜଣ ଶିକ୍ଷକଙ୍କୁ ସୁରକ୍ଷିତ ଉଦ୍ଧାର କରାଯାଇଥିବାବେଳେ ଆଉ ୨ ଛାତ୍ରଙ୍କ ମୃତଦେହ ଉଦ୍ଧାର କରାଯାଇଛି । ମୃତକ ୨ ଜଣ ହେଲେ ଆଦର୍ଶ ବିଦ୍ୟାଳୟର ଯୁକ୍ତ ୨ ଛାତ୍ର ଖୁଣ୍ଟା ଥାନା ଅଞ୍ଚଳର ତନ୍ମୟ କୁମାର ବେହେରା ଓ ରାସଗୋବିନ୍ଦପୁର ଅଞ୍ଚଳର ଦିବ୍ୟଜ୍ୟୋତି ସାହୁ । ସୁବର୍ଣ୍ଣରେଖା କେନାଲରେ ଗଣେଶ ମୂର୍ତ୍ତି ବିସର୍ଜନ ବେଳେ ୪ ଜଣ ବୁଡିଯାଇଥିଲେ । ପ୍ରଥମେ ୨ ଜଣ ଶିକ୍ଷକ ବରପଦା ଥାନା ଅଞ୍ଚଳର ରଞ୍ଜନ କୁମାର ନାୟକ ଓ ବାଲିଆପାଳ ଥାନା ଅଞ୍ଚଳର ତପନ କମିଲାଙ୍କୁ ଉଦ୍ଧାର କରିଥିଲା ଅଗ୍ନିଶମ ବାହିନୀ । । ୨ଜଣ ଛାତ୍ର ଓ ୨ଜଣ ଶିକ୍ଷକ ଓଡିଶା ଆଦର୍ଶ ବିଦ୍ୟାଳୟର ଅଟନ୍ତି । ଘଟଣାସ୍ଥଳରେ ମୃତକଙ୍କ ପରିବାର ଲୋକ ପହଞ୍ଚିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଛି ।