ଭଦ୍ରକ ୨୮/୬: ଚାନ୍ଦବାଲି ଥାନା ସମ୍ମୁଖରେ ମହିଳାଙ୍କୁ ଦୁର୍ବ୍ୟବହାର ଘଟଣାରେ ଆରମ୍ଭ ହୋଇଯାଇଛି ଆକ୍ସନ । ପ୍ରଥମେ ୩ ଜଣ କର୍ମଚାରୀଙ୍କୁ ପୋଲିସ ହେଡ୍‌ କ୍ବାଟରକୁ ବଦଳି କରାଯାଇଥିଲା । ଆଜି ଥାନାର ଏଏସ୍‌ଆଇ ନେପାଳ ସାହା ଓ କନେଷ୍ଟବଳ ରବୀନ୍ଦ୍ର ସେଠୀଙ୍କୁ ସସ୍‌ପେଣ୍ଡ କରିଛନ୍ତି ଏସ୍‌ପି । ଅଭିଯୋଗକାରୀ ମହିଳାଙ୍କ ପକ୍ଷରୁ ଏତଲା ଦିଆଯାଇଥିବାବେଳେ ପୋଲିସ କର୍ମଚାରୀଙ୍କ ତରଫରୁ ୨ଟି ମାମଲା ରୁଜୁ କରାଯାଇଛି । ପୁରା ଘଟଣାର ତଦନ୍ତ ରିପୋର୍ଟ ଦେବାକୁ ଜଣେ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି । ତଦନ୍ତ ରିପୋର୍ଟ ଆସିଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଭଦ୍ରକ ଅତିରିକ୍ତ ଏସ୍‌ପି ବାମଦେବ ସିଂ ।