ନୂଆଦିଲ୍ଲୀ: ଆର୍ଜେଣ୍ଟିନାରେ ଶକ୍ତିଶାଳୀ ଭୂମିକମ୍ପ । ଥରିଲା ଦକ୍ଷିଣ ଆମେରିକୀୟ ଦେଶ ଆର୍ଜେଣ୍ଟିନାର ସମୁଦ୍ର ଉପକୂଳବର୍ତ୍ତୀ ଅଞ୍ଚଳ । ରିକ୍ଟର ସ୍କେଲର ଏହାର ତୀବ୍ରତା ୭.୪ ରେକର୍ଡ କରାଯାଇଛି । ଭୂକମ୍ପ ପରେ ଲୋକଙ୍କୁ ସୁନାମୀ ଭୟ ଘାରିଛି । ବର୍ତ୍ତମାନ ସୁଦ୍ଧା କୌଣସି କ୍ଷୟକ୍ଷତି ନେଇ ସୂଚନା ମିଳିନାହିଁ ।
ଆମେରିକା ଜିଓଲୋଜିକାଲ୍ ସର୍ଭେ ଅନୁଯାୟୀ, ଶୁକ୍ରବାର ଆର୍ଜେଣ୍ଟିନା ଓ ଚିଲିରେ ଏହି ଭୟଙ୍କର ଭୂମିକମ୍ପ ଅନୁଭୂତ ହୋଇଛି । ଏହାର କେନ୍ଦ୍ରସ୍ଥଳ ମହାସମୁଦ୍ରରେ ରହିଛି । ଦକ୍ଷିଣ ଉସୁଇୟା ଠାରୁ ସମୁଦ୍ର ଭିତରେ ୨୧୯ କିଲୋମିଟର ଦୂରରେ ରହିଛି । ଏହି ଶକ୍ତିଶାଳୀ ଭୂମିକମ୍ପର ତୀବ୍ରତା ୭.୪ ରହିଛି । ଭୂକମ୍ପ ପରେ ସୁନାମୀ ଭୟବହତା ବଢ଼ିଯାଇଛି । ବଡ଼ ସୁନାମୀକୁ ଦୃଷ୍ଟିରେ ରଖି ଚିଲି ପ୍ରାଶାସନିକ ଅଧିକାରୀ ସତର୍କତା ଜାରି କରିଛନ୍ତି । ସମୁଦ୍ର ଉପକୂଳବର୍ତ୍ତୀ ଅଞ୍ଚଳରେ ରହୁଥିବା ଲୋକଙ୍କୁ ସ୍ଥାନାନ୍ତର ପାଇଁ ନିର୍ଦ୍ଦେଶ ଦେଇଛନ୍ତି ।
