ନୂଆଦିଲ୍ଲୀ ୦୩/୦୫: ଆତଙ୍କବାଦୀଙ୍କ ବିରୋଧରେ ନିଆଯିବ କଠୋର କାର୍ଯ୍ୟାନୁଷ୍ଠାନ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ପୁଣି ଥରେ ଆତଙ୍କବାଦୀ ଓ ସେମାନଙ୍କୁ ସମର୍ଥନ କରୁଥିବା ରାଷ୍ଟ୍ରଙ୍କୁ ଏଭଳି ଚେତାବନୀ ଦେଇଛନ୍ତି । ଏଥିସହିତ ସୀମାପାର ଆତଙ୍କବାଦ ବିରୋଧରେ ଭାରତର ଲଢେଇକୁ ସମର୍ଥନ ଦେଇଥିବାରୁ ଆଙ୍ଗୋଲା ରାଷ୍ଟ୍ରପତିଙ୍କୁ ଧନ୍ୟବାଦ ଜଣାଇଛନ୍ତି ପ୍ରଧାନମନ୍ତ୍ରୀ ।
ଆଜି ଭାରତ ଓ ଆଙ୍ଗୋଲା ମଧ୍ୟରେ ବିଭିନ୍ନ ପ୍ରସଙ୍ଗରେ ଏମଓୟୁ ସ୍ବାକ୍ଷର କରାଯାଇଛି । ଏହି ଅବସରରେ ପ୍ରଧାନମନ୍ତ୍ରୀ ଆତଙ୍କବାଦୀଙ୍କୁ ପୁଣି ଥରେ ଚେତାବନୀ ଦେବା ସହ ସୀମାରେ ଅରାଜକତା ସୃଷ୍ଟିକାରୀ ଶକ୍ତିଙ୍କ ବିରୋଧରେ କଠୋରରୁ କଠୋରତମ କାର୍ଯ୍ୟାନୁଷ୍ଠାନ ନେବାକୁ ଚେତାବନୀ ଦେଇଛନ୍ତି ।
#WATCH | Delhi: Prime Minister Narendra Modi says, "Vocational training centres have been opened in 8 African countries. We are collaborating with 5 African countries in digital public infrastructure. We have had the privilege of playing the role of first responder by standing… pic.twitter.com/6rJwqgbO1Z
— ANI (@ANI) May 3, 2025
ସୂଚନା ଥାଉକି, ଶନିବାର ହାଇଦ୍ରାବାଦ ହାଉସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଙ୍ଗୋଲା ରାଷ୍ଟ୍ରପତି ଜୋଓ ମାନୁଏଲ ଗୋଞ୍ଚାଲଭସ୍ ଲୋରେଞ୍ଚୋଙ୍କୁ ଭେଟିଛନ୍ତି। ଏହି ସମୟରେ, ଉଭୟ ନେତା ଏକ ଦ୍ୱିପାକ୍ଷିକ ବୈଠକ ମଧ୍ୟ କରିଥିଲେ । ବୈଠକ ପରେ ପ୍ରଧାନମନ୍ତ୍ରୀ ମୋଦୀ କହିଥିଲେ ଯେ ମୁଁ ରାଷ୍ଟ୍ରପତି ଲୋରେନ୍ସୁ ଓ ତାଙ୍କ ପ୍ରତିନିଧିମଣ୍ଡଳକୁ ଭାରତରେ ହୃଦୟର ସହିତ ସ୍ୱାଗତ କରୁଛି । ଏହା ଏକ ଐତିହାସିକ ମୁହୂର୍ତ୍ତ । ମୋଦୀ ଆହୁରି କହିଛନ୍ତି ଯେ ୩୮ ବର୍ଷ ପରେ, ଆଙ୍ଗୋଲାର ରାଷ୍ଟ୍ରପତି ଭାରତ ଗସ୍ତରେ ଆସିଛନ୍ତି ।
#WATCH | Delhi: Prime Minister Narendra Modi says, "We are committed to take firm and decisive action against terrorists and those who support them. We thanked Angola for their support in our fight against cross-border terrorism." pic.twitter.com/M3t3IqjHZJ
— ANI (@ANI) May 3, 2025
ତାଙ୍କର ଗସ୍ତ ଭାରତ-ଆଙ୍ଗୋଲା ସମ୍ପର୍କକୁ କେବଳ ନୂଆ ଦିଶା ଦଉନି ତ ଭାରତ-ଆଫ୍ରିକା ସହଭାଗୀତାକୁ ମଧ୍ୟ ସୁଦୃଢ଼ କରୁଛି । ଏହାରି ଭିତରେ ପ୍ରଧାନମନ୍ତ୍ରୀ ପହଲଗାମ ଆକ୍ରମଣ ବିଷୟରେ ଉଲ୍ଲେଖ କରି କହିଥିଲେ ଯେ ଆମେ ଏକମତ ଯେ ଆତଙ୍କବାଦ ମାନବତା ପାଇଁ ସବୁଠାରୁ ବଡ଼ ବିପଦ। ଆତଙ୍କବାଦୀଙ୍କୁ ଆଶ୍ରୟ ଦେଉଥିବା ଲୋକଙ୍କୁ କଡ଼ା ଚେତାବନୀ ଦେଇଥିଲେ ସେ ।
