କଟକ ୧୩।୧୨; କ୍ରୀଡ଼ାବିତ ଦୂତୀ ଚାନ୍ଦଙ୍କ କାର ଦୁର୍ଘଟଣା ଗସ୍ତ । କଟକ ମଧୁପାଟଣା ଥାନା ନିକଟ ବ୍ରିଜ ତଳ ରାସ୍ତା ରେ ଏହି ଦୁର୍ଘଟଣା ଘଟିଛି । ଦୂତି ସୁରକ୍ଷିତ ଥିବାବେଳେ ତାଙ୍କ କାର୍ କ୍ଷତିଗ୍ରସ୍ତ ହୋଇଛି। ଦୂତୀ କରିଥିବା ଅଭିଯୋଗ ମୁତାବକ ସେ ଘରୁ ଭୁବନେଶ୍ୱର ତାଙ୍କ ବନ୍ଧୁ ମାନଙ୍କ ସହିତ ଫେରୁଥିବା ବେଳେ ଓଏମପି ଛକରୁ ଏକ ଟ୍ରଲର ତାଙ୍କୁ ଅତିକ୍ରମ କରିବାକୁ ଚେଷ୍ଟା କରିବା ସହିତ ଅଶାଳୀନ ଆଚରଣ କରିଥିଲା ।
ଦୂତୀ ମଧୁପାଟଣା ବ୍ରିଜ ତଳ ରାସ୍ତାରେ ଟ୍ରଲରକୁ ଆଗକୁ ଯିବାକୁ ତାଙ୍କ କାର ଛିଡା କରିଥିବା ବେଳେ ଟ୍ରଲର ଚାଳକ ଡାହାଣ ପଟରୁ ତାଙ୍କ କାରକୁ ଧକ୍କା ଦେଇଚାଲିଯିବାକୁ ଚେଷ୍ଟା କରିଥିଲେ । ଦୂତୀ ତାଙ୍କୁ ପିଛା କରି କାଠଯୋଡି ପୋଲ ପୂର୍ବରୁ ଅଟକାଇଥିଲେ । ଏହା ସହ ସେ ପୋଲିସକୁ ସୂଚନା ଦେଇଥିଲେ। ଖବରପାଇ ମଧୁପାଟଣା ପୋଲିସ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରଲରକୁ ଜବତ କରିବା ସହ ଚାଳକଙ୍କୁ ଥାନାରେ ଅଟକ ରଖି ପଚରାଉଚରା କରୁଛି।
