ଭଦ୍ରକ ୧୩।୦୩ : ଆଉଟ୍ସୋର୍ସିଂ କର୍ମଚାରୀଙ୍କ ଆନ୍ଦୋଳନ । ତିନି ଦଫା ଦାବି ନେଇ ଓଡିଶା ଆଉଟ୍ ସୋର୍ସିଂ କର୍ମଚାରୀ ସଂଘ ଭଦ୍ରକ ଶାଖା ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ଜିଲ୍ଲାରେ କାର୍ଯ୍ୟରତ ଶତାଧିକ ଆଉଟ୍ ସୋର୍ସିଂ କର୍ମଚାରୀ ଏଥିରେ ସାମିଲ ହେବାକୁ ସଂଘ ପକ୍ଷରୁ କୁହାଯାଇଛି ।
ଦୀର୍ଘ ବର୍ଷ ହେବ ଏହି ଆଉଟ୍ ସୋର୍ସିଂ କର୍ମଚାରୀମାନେ ଭଦ୍ରକ ଜିଲ୍ଲାର ବିଭିନ୍ନ ସରକାରୀ କାର୍ଯ୍ୟାଳୟରେ କାମ କରୁଥିଲେ । ସେମାନଙ୍କ ପ୍ରତି ସରକାର ଅବହେଳା କରୁଥିବା ଅଭିଯୋଗ ଆଣିଛନ୍ତି । ପୂର୍ବ ସରକାର ଥିବା ସମୟରେ ଆଉଟ୍ ସୋର୍ସିଂ ଉଚ୍ଛେଦ ଉଠିବାକୁ ସ୍ୱର ଉଠିଥିଲା । କିନ୍ତୁ ଏବେ ଏହି ଦାବିକୁ କେହି ଶୁଣୁନଥିବା ଅଭିଯୋଗ କରିଛି ସଂଘ । ଆଗାମୀ ୧୯ ତାରିଖ ସୁଦ୍ଧା ସରକାର ଯଦି ଏହି ପ୍ରସଙ୍ଗରେ କୌଣସି ଆଲୋଚନା ନକରିବେ । ତେବେ ୨୪ ତାରିଖରେ ରାଜରାସ୍ତାକୁ ଓହ୍ଲାଇବା ସହ ଗାନ୍ଧୀମାର୍ଗରେ ଧାରଣା ଦିଆଯିବ ବୋଲି ସଂଘ ପକ୍ଷରୁ ଚେତାବନୀ ଦିଆଯାଇଛି ।
୨୦୫୦ ସୁଦ୍ଧା ଭୟଙ୍କର ହେବ ସ୍ଥିତି ! ମେରୁ ଭୂଖଣ୍ଡରେ ବ୍ୟାପକ ପରିବର୍ତ୍ତନ
