ଆଠଗଡ଼ ୧୪।୧୨ : ନିର୍ଯାତନାର ଶିକାର ୧୦୮ ଡ୍ରାଇଭରଙ୍କ ଆତ୍ମହତ୍ୟା ଉଦ୍ୟମ । ସୋସିଆଲ୍ ମିଡିଆରେ ଭାଇରାଲ ହେଲା ଆତ୍ମହତ୍ୟା ବେଳର ଭିଡିଓ । ଘରେ ଜଣେ ରୋଗୀଣା ସ୍ତ୍ରୀ ସହ ଦୁଇଟି ଛୋଟ ପିଲା । ଆଠଗଡ଼ ଥାନା ଅନ୍ତର୍ଗତ ଖୁଣ୍ଟକଟା ପଞ୍ଚାୟତ ମହୀଧରପୁର ଗାଁରେ ଘଟିଛି ଘଟଣା ।
ଖବର ଅନୁଯାୟୀ, ୧୦୮ ଆମ୍ବୁଲାନ୍ସର ଡ୍ରାଇଭର ଭାବରେ କାମ କରୁଥିଲେ ବିଜୟ କୁମାର ପ୍ରଧାନ । ଘରେ ରୋଗୀଣା ସ୍ତ୍ରୀ ଏବଂ ଦୁଇଟି ଛୋଟ ପିଲା । ଲକ୍ଷାଧିକ ଟଙ୍କାର କରଜ। ଉପରିସ୍ଥ ଅଧିକାରୀ ମାନେ ଲଗାତର ଭାବେ ମାନସିକ ନିର୍ଯାତନା ଦେଇ ଆସୁଥିଲେ ।ଆଉ ଶେଷରେ ଅତିଷ୍ଠ ହୋଇ ଆତ୍ମହତ୍ୟା ଉଦ୍ୟମ ରାସ୍ତା ଆପଣାଇଥିଲେ ବିଜୟ। ଯାହାର ଭିଡିଓ ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି । ତେବେ ବିଜୟଙ୍କୁ ଗୁରୁତର ଅବସ୍ଥାରେ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି । ସେପଟେ ଏହି ଘଟଣା ସଂପର୍କରେ ଉପରିସ୍ଥ କର୍ମଚାରୀଙ୍କ ବିରୋଧରେ ଆଠଗଡ଼ ଥାନାରେ ଅଭିଯୋଗ କରିଛନ୍ତି ବିଜୟଙ୍କ ପତ୍ନୀ ଅନୀତା ରାଣୀ ପ୍ରଧାନ ।
