ଦିଗପହଣ୍ଡି ୨୩।୮: ଗଞ୍ଜାମ ଜିଲ୍ଲା ଚିକିଟି ମଦ ମୃତ୍ୟୁ ଘଟଣାରେ ଆଉ ଜଣଙ୍କୁ ଗିରଫ କଲା ପୋଲିସ । ମଦ ବେପାରୀ ରାଜେନ୍ଦ୍ର ସାହୁକୁ ଗିରଫ କଲା ପୋଲିସ । ମୋଟ୍ ଗିରଫ ସଂଖ୍ୟା ୮କୁ ବୃଦ୍ଧି ପାଇଛି । ଏ ନେଇ କେ.ନୂଆଗାଁ ଆଇଆଇସି କିଶୋର କୁମାର ସାମଲ ସୂଚନା ଦେଇଛନ୍ତି ।
ସୂଚନାଯୋଗ୍ୟ ଯେ, ଗଞ୍ଜାମ ଜିଲ୍ଲା ଚିକିଟି ବ୍ଲକ୍ କେ.ନୂଆଗାଁ ଥାନା ଅନ୍ତର୍ଗତ ମାଉନ୍ଦପୁରରେ ବିଷାକ୍ତ ମଦ ପିଇ ୨୦ରୁ ଉର୍ଦ୍ଧ୍ବ ଅସୁସ୍ଥ ହୋଇଥିବା ବେଳେ ବୁଧବାର ଦୁଇ ଜଣ ଆଖି ବୁଜିଥିଲେ । ସେମାନେ ହେଲେ ଜେନାପୁର ଗ୍ରାମର ଜୁର ବେହେରା ଓ ତାଙ୍କ ପଡୋଶୀ ଲୋକନାଥ ବେହେରା । ବ୍ରହ୍ମପୁର ଏମ୍କେସିଜି ମେଡିକାଲ କଲେଜ ଓ ହସ୍ପିଟାଲ ଆଇସିୟୁରେ ସେମାନେ ଚକିତ୍ସାଧୀନ ଥିଲେ ।
ଚିକିଟି କରବାଲୁଆ ଓ ଜେନାପୁର ଅଞ୍ଚଳର ବହୁ ବ୍ୟକ୍ତି ସୋମବାର ମାଉନ୍ଦପୁର ଯାଇ ବିଷାକ୍ତ ମଦ୍ୟପାନ କରିଥିଲେ । ମଦ୍ୟପାନ ପରେ ୨୦ ଜଣ ଝାଡ଼ାବାନ୍ତିର ଶିକାର ହେବା ସହିତ ସମସ୍ତଙ୍କ ଦେହ ଥରିବା ଓ ମୁଣ୍ଡ ବୁଲେଇବା ଲକ୍ଷଣ ଦେଖାଦେଇଥିଲା । ଏବେ ବି ଘଟଣାରେ ୩ ଜଣ ଗୁରୁତର ଭାବେ ଆଇସିୟୁରେ ଚିକିତ୍ସାଧୀନ ଅଛନ୍ତି । ଘଟଣାରେ ଜଣେ ମହିଳାଙ୍କ ସମେତ ମୋଟ୍ ୮ ଜଣକୁ ଉଭୟ ଅବକାରୀ ଓ ପୋଲିସ ଗିରଫ କରି କୋର୍ଟ ଚାଲାଣ କରିଛି ।
You Can Read:
ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ, ପାସ୍ ହାର ୫୫.୪ ପ୍ରତିଶତ
