ନୂଆଦିଲ୍ଲୀ: ଭାରତରେ 6G ଆଣିବା ପାଇଁ ପ୍ରସ୍ତୁତି ଜୋରଦାର ହୋଇଛି । ସୋମବାର ଦୂରସଂଚାର ମନ୍ତ୍ରୀ ଅଶ୍ୱିନୀ ବୈଷ୍ଣବ 6Gକୁ ନେଇ ନୂଆ ଏଲାଏନ୍ସର ଆରମ୍ଭ କରିଛନ୍ତି । ଏହି ଏଲାଏନ୍ସ ଭାରତରେ ନୂଆ ଟେକ୍ନୋଲଜି ଟେକନିକ୍ ଏବଂ 6Gର ବିକାଶ ପାଇଁ କାମ କରିବ । ଭବିଷ୍ୟତ ପିଢିର ଟେକ୍ନୋଲଜି ପାଇଁ ଭାରତ ସମୟ ଥାଉ ଥାଉ ନିଜକୁ ପ୍ରସ୍ତୁତ କରିବାକୁ ଚାହୁଁଛି । ଫଳରେ ଅନ୍ୟ ଦେଶର ଟେକ୍ନୋଲଜି ଉପରେ ନିର୍ଭରତା ରହିବ ନାହିଁ । ଏହାସହ ଦେଶ ଏହି ଟେକ୍ନୋଲଜିକୁ ରପ୍ତାନୀ ମଧ୍ୟ କରିପାରିବ ।

6G ଏଲାଏନ୍ସରେ ସାର୍ବଜନୀନ କ୍ଷେତ୍ର, ପ୍ରାଇଭେଟ୍ ସେକ୍ଟର ଏବଂ ଅନ୍ୟ ବିଭାଗ ସାମିଲ । ଏଥିରେ ସମସ୍ତେ 6Gକୁ ଆଗକୁ ବଢାଇବା ପାଇଁ ନିଜର ଯୋଗଦାନ ଦେବେ । ଏହାସହ ନୂତନ ଆଇଡିଆ ସହ ଏହାକୁ ଅଧିକ ଉନ୍ନତ କରିବେ । ଏଥିରେ ନ୍ୟାସନାଲ ରିସର୍ଚ୍ଚ ଇଷ୍ଟିଚ୍ୟୁଟ୍ ଆଣ୍ଡ ସାଇନ୍ସ ଅର୍ଗନାଆଇଜେସନ ମଧ୍ୟ କାମ କରିବ ।

ଚଳିତ ବର୍ଷ ମାର୍ଚ୍ଚରେ ପିଏମ ମୋଦୀ 6G ଭିଜନ ଡକ୍ୟୁମେଣ୍ଟର ଉପସ୍ଥାନ କରିଥିଲେ । ଏହାସହ 6G ଟେଷ୍ଟ ବେଡ୍ସର ଘୋଷଣା କରିଥିଲେ । ଉଲ୍ଲେଖଯୋଗ୍ୟ ଯେ ଟେଷ୍ଟ ବେଡ୍ସରେ କୌଣସି ଟେକ୍ନୋଲଜିର ଲଞ୍ଚିଂ ପୂର୍ବରୁ ଟେଷ୍ଟ କରାଯାଇଥାଏ । ଏହା ଏକ ପ୍ରକାର ଟ୍ରାଏଲ ହୋଇଥାଏ, ଯାହା ଲଞ୍ଚିଂର ବହୁ ପୂର୍ବରୁ କରାଯାଇଥାଏ ।

ବର୍ତ୍ତମାନ ସମୟରେ ସାରା ଦେଶରେ 5G ସମ୍ପୂର୍ଣ୍ଣ ରୂପେ ପହଞ୍ଚି ପାରି ନାହିଁ । କମ୍ପାନିଗୁଡିକ 5Gକୁ ରୋଲଆଉଟ୍ କରିଛନ୍ତି, କିନ୍ତୁ ସଭିଙ୍କ ପାଖରେ ଏହା ଉପଲବ୍ଧ ହୋଇପାରି ନାହିଁ । ଏଥିପାଇଁ ଏବେଠୁ 6G ପ୍ରସ୍ତୁତି କଥା କହିବା ଠିକ୍ ହେବ ନାହିଁ । ତେବେ Bhart 6G Alliance ଅଧିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଦ୍ୱାରା ଦିଆଯାଇଥିବା ଭିଜନକୁ ପୂରା କରାଯିବ । ଭାରତରେ ୨୦୩୦ ସୁଦ୍ଧା 6Gକୁ ଲାଗୁ କରିବାକୁ ଲକ୍ଷ୍ୟ ରହିଛି, ଫଳରେ ଦୁନିଆର ଅନ୍ୟ ଦେଶ ସହ ମୁକାବିଲା କରିପାରିବ ।

Also Read: ବିଦେଶୀ ବ୍ୟାଙ୍କରୁ ୧.୫ ବିଲିୟନ ଡଲାର ଋଣ ନେବ ରିଲାଏନ୍ସ ଜିଓ, ୫ଜି ପାଇଁ ରହିଛି ସ୍ବତନ୍ତ୍ର ଯୋଜନା