ନୂଆଦିଲ୍ଲୀ ୧୯/୦୪: ବାଂଲାଦେଶରେ ସଂଖ୍ୟାଲଘୁ ସମ୍ପ୍ରଦାୟ ବିରୋଧରେ ହିଂସା ବନ୍ଦ୍ ହେବାର ନା ନେଉନି । ଖାସ୍ କରି ଟାର୍ଗେଟ୍ରେ ସଂଖ୍ୟାଲଘୁ ସମ୍ପ୍ରଦାୟ । ସତ୍ତା ପରିବର୍ତ୍ତନ ପରଠାରୁ, ଅନେକ ହିନ୍ଦୁଙ୍କୁ ଉପରେ ଜାରି ରହିଛି ନିର୍ଯାତନା । ଏବେ ବି ଅନେକ ଜେଲରେ ଅଛନ୍ତି। ଏବେ ଉତ୍ତର ବାଂଲାଦେଶର ଦିନାଜପୁର ଜିଲ୍ଲାରେ ଘଟିଛି ଏପରି ଘଟଣା । ହିନ୍ଦୁ ସମ୍ପ୍ରଦାୟର ଜଣେ ନେତାଙ୍କୁ ଘରୁ ଅପହରଣ ପରେ ନିର୍ମମ ଭାବରେ ପିଟି ପିଟି କରାଯାଇଛି ହତ୍ୟା ।
ପୋଲିସ କହିବା ମୁତାବକ, ହିନ୍ଦୁ ନେତା ଭାବରେଶ ଚନ୍ଦ୍ର ରାୟଙ୍କ ଘରୁ ଅପହରଣ ହେବାର କିଛି ଘଣ୍ଟା ପରେ ଗୁରୁବାର ତାଙ୍କ ମୃତଦେହ ମିଳିଥିଲା । ରୟ ବାଂଲାଦେଶ ପୂଜା ଉଦ୍ଯାପନ ପରିଷଦର ବିରାଳ ୟୁନିଟର ଉପାଧ୍ୟକ୍ଷ ଥିଲେ । ଏହାସହ ଅଞ୍ଚଳର ହିନ୍ଦୁ ସମ୍ପ୍ରଦାୟ ମଧ୍ୟରେ ତାଙ୍କର ପ୍ରଭାବ ଥିଲା ।
ସୂଚନା ଥାଉକି, ଭାବରେଶଙ୍କ ପତ୍ନୀ ଶାନ୍ତନାଙ୍କ ଅନୁଯାୟୀ, ସେ ଗୁରୁବାର ତାଙ୍କ ଘରେ ଥିଲେ । ଅପରାହ୍ନ ପ୍ରାୟ ୪:୩୦ ସମୟରେ ତାଙ୍କୁ ଏକ ଫୋନ୍ ଆସିଥିଲା। ରିପୋର୍ଟରେ କୁହାଯାଇଛି ଯେ ରୟ ତାଙ୍କ ଘରେ ଉପସ୍ଥିତ ଅଛନ୍ତି କି ନାହିଁ ତାହା ଜାଣିବା ପାଇଁ ସେ କଲ୍ କରିଥିଲେ ବୋଲି ଜଣାପଡିଛି । ସ୍ତ୍ରୀ କହିଥିଲେ ଯେ ସେମାନେ ତାଙ୍କୁ ଅପହରଣ କରି ନିକଟସ୍ଥ ଏକ ଗାଁକୁ ନେଇଯାଇଥିଲେ। ଯେଉଁଠାରେ ତାଙ୍କୁ ନିର୍ମମ ଭାବେ ମାଡ଼ ମାରିଥିଲେ । ପରେ ତାଙ୍କୁ ହତ୍ୟା କରି ଭ୍ୟାନରେ ଆଣି ତାଙ୍କ ଘର ବାହାରେ ଫୋପାଡ଼ି ଦେଇଥିଲେ ।
ପରିବାର ସଦସ୍ୟମାନେ ରୟଙ୍କୁ ଘର ବାହାରେ ପଡ଼ିଥିବା ଦେଖିବା ମାତ୍ରେ, ସେମାନେ ତୁରନ୍ତ ତାଙ୍କୁ ଡାକ୍ତରଖାନାକୁ ନେଇଥିଲେ । ସେଠାରେ ଡାକ୍ତର ରୟଙ୍କୁ ମୃତ ଘୋଷଣା କରିଥିଲେ। ଏହି ସମ୍ପୂର୍ଣ୍ଣ ମାମଲାରେ ପୋଲିସ କହିଛି ଯେ ଆମେ ଅଭିଯୁକ୍ତଙ୍କୁ ଖୋଜୁଛୁ । ସେ କହିଛନ୍ତି ଯେ ପୋଲିସ ସନ୍ଦିଗ୍ଧମାନଙ୍କୁ ଚିହ୍ନଟ ଏବଂ ଗିରଫ କରିବା ପାଇଁ କାର୍ଯ୍ୟ କରୁଛି।
ବାଂଲାଦେଶରେ ପୂର୍ବରୁ ଏପରି ଅନେକ ଘଟଣା ସାମ୍ନାକୁ ଆସିଛି । ଯେତେବେଳେ ହିନ୍ଦୁ ପରିବାର ଏବଂ ସେମାନଙ୍କ ଘରକୁ ଟାର୍ଗେଟ କରାଯାଇଛି। ଶେଖ୍ ହସିନା ବାଂଲାଦେଶ ଛାଡିବା ପରଠାରୁ ଏପରି ଘଟଣା ଘଟୁଛି। ଏହା ପରେ ମଧ୍ୟ ସେଠାକାର ପରିସ୍ଥିତିରେ ଉନ୍ନତିର କୌଣସି ସଙ୍କେତ ଦେଖାଯାଉନାହିଁ।
