ଭୁବନେଶ୍ବର ୧୬।୧୦: ଆସିକାରେ ବିଜେଡିକୁ ହରାଇବାକୁ ବିଜେପି ସହ ହାତ ମିଳାଇଥିଲେ ବିଜେଡି ସାଂସଦ ପ୍ରାର୍ଥୀ । ଏଭଳି ବିସ୍ଫୋରକ ବୟାନ ଦେଇଛନ୍ତି କବିସୂର୍ଯ୍ୟନଗରର ପୂର୍ବତନ ବିଧାୟକ ଲତିକା ପ୍ରଧାନ । ସାଂସଦ ପ୍ରାର୍ଥୀ ରଞ୍ଜିତା ସାହୁଙ୍କ ନାଁରେ ସଙ୍ଗୀନ ଆରୋପ ଆଣିଲେ ଲତିକା । ତାଙ୍କ ପାଇଁ ବିଜେଡି ଆସିକା ଲୋକସଭା ସହ ଅନେକ ବିଧାନସଭା କ୍ଷେତ୍ରରେ ହାରିଲା ବୋଲି ଲତିକା କହିଛନ୍ତି । ହିଞ୍ଜିଳିରେ ଭୋଟ୍ କମିବା ସହ କବିସୂର୍ଯ୍ୟନଗରରେ ବି ଦଳ ତାଙ୍କ ପାଇଁ ହାରିଲା । ଦଳରେ ଥାଇ ବିଭୀଷଣ କାମ କରିଥିଲେ ଆସିକା ସାଂସଦ ପ୍ରାର୍ଥୀ । ଏ ନେଇ ଭିଡିଓ ଏବଂ ଫଟୋ ବି ଘୁରି ବୁଲୁଛି । ନିର୍ବାଚନ ସମୟରେ ଓ ନିର୍ବାଚନ ପରେ ସାଲିସ କରି କାମ କରିଥିଲେ । ବିଜେଡି ସୁପ୍ରିମୋଙ୍କୁ ଏ ବାବଦରେ ଅବଗତ କରାଇଛି ବୋଲି ଲତିକା ପ୍ରଧାନ କହିଛନ୍ତି ।

You Can Read:

କଡା ସୁରକ୍ଷାରେ ଟ୍ରେଜେରୀରେ ରହିଛି ଜବତ ରୁପା, ବୈଧ ବିଲ୍ ନ ଦେଖାଇଲେ ହେବ ସିଜ୍