ଭୁବନେଶ୍ବର ୧୪।୫: ଆଠଗଡର ବିଧାୟକ ତଥା କୃଷିମନ୍ତ୍ରୀ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁଙ୍କର ଏକ ଫଟୋ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି । ତେବେ ଏହି ଫଟୋ ଭାଇରାଲ୍ ପରେ ଏହା ମିଛ ବୋଲି କହିଛନ୍ତି ଖୋଦ୍ ରଣେନ୍ଦ୍ର । ଏହା ତାଙ୍କର ଏକ ପୁରୁଣା ଫଟୋ ବୋଲି କହିବା ସହ ବିରୋଧୀଙ୍କୁ କଟାକ୍ଷ କରିଛନ୍ତି ରଣେନ୍ଦ୍ର । ଏନେଇ ନିର୍ବାଚନ କମିଶନଙ୍କ ଦ୍ବାରସ୍ଥ ହେବା ସହ ଆଇନଗତ ଲଢେଇ ଲଢିବେ ବୋଲି ରଣେନ୍ଦ୍ର କହିଛନ୍ତି । ଏ ଭାଇରାଲ ଫଟୋ ତାଙ୍କ ନିର୍ବାଚନରେ କୌଣସି ପ୍ରଭାବ ପକାଇବ ନାହିଁ ବୋଲି ରାଜା ସ୍ବାଇଁ କହିଛନ୍ତି ।
ତେବେ ଭାଇରାଲ୍ ଫଟୋଟିରେ ବିଜେଡି ନେତା ଭି.କେ. ପାଣ୍ଡିଆନ୍ ରଣେନ୍ଦ୍ର ପ୍ରତାପ ସ୍ୱାଇଁଙ୍କୁ ମୁଣ୍ଡ ଉପରେ ହାତ ରଖି ଆଶୀର୍ବାଦ କରୁଥିବା ଦେଖିବାକୁ ମିଳିଛି । କିନ୍ତୁ ସେହି ଫଟୋକୁ ଫେକ୍ ବୋଲି ଦର୍ଶାଇଛନ୍ତି ରାଜା ସ୍ୱାଇଁ । ନିଜ ସୋସିଆଲ୍ ମିଡିଆ ହ୍ୟାଣ୍ଡଲ୍ Xରେ ୨ଟି ଫଟୋ ପୋଷ୍ଟ କରିଛନ୍ତି । ଅନ୍ୟଟି ହେଉଛି ଦିବଙ୍ଗତ ନେତା ଦାମୋଦର ରାଉତ ଆଶୀର୍ବାଦ କରୁଥିବା ଫଟୋ । ଯେଉଁ ଫଟୋଟି ଅସଲି । କିନ୍ତୁ ଫେକ୍ ଫଟୋରେ ଦାମଙ୍କ ସ୍ଥାନରେ ପାଣ୍ଡିଆନଙ୍କ ଫଟୋକୁ ଯୋଡ଼ାଯାଇଛି । ଏନେଇ ରାଜା ଲେଖିଛନ୍ତି, କିଛି ଦୁର୍ବୃତ୍ତ ସୋସିଆଲ୍ ମିଡ଼ିଆରେ ଏଭଳି ଏକ ଫେକ୍ ଫଟୋକୁ ଭାଇରାଲ୍ କରି ଚାଲିଛନ୍ତି । ଏଭଳି ମିଥ୍ୟା ଖବରଠାରୁ ଦୂରେଇ ରୁହନ୍ତୁ ।
Some miscreants are circulating my fake image over Social media. I urge everyone to refrain from believing in such news and check the sources thoroughly before forwarding and believing.
— Ranendra Pratap Swain (@rajaaswain) May 13, 2024
I appeal @SpokespersonECI @ECISVEEP to kindly take stringent action against these miscreants. pic.twitter.com/21x2KHVT0d
You Can Read :
ତିଗିରିଆରେ ପାଣ୍ଡିଆନ୍ଙ୍କ ପ୍ରଚାର, ଲକ୍ଷେ ଭୋଟ୍ ବ୍ୟବଧାନରେ ପ୍ରାର୍ଥୀଙ୍କୁ ଜିତାଇବା ପାଇଁ ନିବେଦନ
