ଭଦ୍ରକ ୧୬।୦୧ : ଆଗକୁ ପଞ୍ଚାୟତ ନିର୍ବାଚନ । ଏହାପୂର୍ବରୁ ଅଣ୍ଟା ଭିଡିଲାଣି ବିଜେଡି। ଆରମ୍ଭ ହେଲାଣି କସରତ । ବସିଲାଣି କାର୍ଯ୍ୟକାରିଣୀ ବୈଠକ । ଭଦ୍ରକ ଜିଲ୍ଲା ଧାମନଗର ନିର୍ବାଚମଣ୍ଡଳୀରୁ ପ୍ରସ୍ତୁତି ଆରମ୍ଭ ହୋଇଛି ।
ଧାମନଗର ବ୍ଲକ ବିଜୁ ଜନତା ଦଳ ପକ୍ଷରୁ ଐତିହାସିକ ଗୋହିରାଟିକିରି ଠାରେ ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ବିଜୁ ଜନତା ଦଳର ସାଙ୍ଗଠିକ ସମ୍ପାଦକ ପ୍ରଣବ ପ୍ରକାଶ ଦାସ, ପୂର୍ବତନ ବିଧାୟକ ରାଜେନ୍ଦ୍ର ଦାସ, ପୂର୍ବତନ ବ୍ଲକ ଅଧ୍ୟକ୍ଷ ଅଶୋକ ନାୟକ, ବ୍ଲକ ସଭାପତି ଉମେଶ ଚନ୍ଦ୍ର ମହାନ୍ତି, ଡକ୍ତର ସଞ୍ଜୟ ଦାସ ପ୍ରମୁଖ ଯୋଗ ଦେଇଥିଲେ । ଏହି ଅବସରରେ ବିଜେଡିର ଛାମୁଆ ସଂଗଠକ ଓ କର୍ମୀଙ୍କୁ ଗୁରୁମନ୍ତ୍ର ଦିଆଯାଇଛି । ଆଗାମୀ ପଞ୍ଚାୟତ ନିର୍ବାଚନକୁ ନଜରରେ ରଖି ବିଜେଡି ଆରମ୍ଭ କରିଛି ପ୍ରସ୍ତୁତି । ବିଜେଡିର ନେତୃତ୍ୱଙ୍କୁ କର୍ମୀମାନଙ୍କ ସହ ରହି କାମ କରିବା ସହ ସଂଗଠିତ ରହିବା ପାଇଁ ପ୍ରଣବ ପ୍ରକାଶ ଦାସ କହିଛନ୍ତି ।
