ଭୁବନେଶ୍ୱର: ରାଜନୀତି ପାଇଁ ଯଥେଷ୍ଟ ମୈଦାନ ଅଛି। ରାଜଭବନକୁ ତା' ଭିତରକୁ ଟଣା ନଯାଉ ବୋଲି କହିଛନ୍ତି ବିଜେପି ରାଜ୍ୟ ସଭାପତି ମନମୋହନ ସାମଲ। ରାଜ ଭବନରେ ଝାଡଖଣ୍ଡ ରାଜନୀତି ପାଇଁ ପ୍ରସ୍ତୁତି ଚାଲିଛି, ଏହା ବିଜେପି ଅଫିସ ପାଲଟିଯାଇଛି ବୋଲି ନିକଟରେ ଅଭିଯୋଗ କରିଥିଲା ବିଜେଡି।
ଶୁକ୍ରବାର କଟକ ଗସ୍ତରେ ଥିବା ବେଳେ ଏହାର ଜବାବ ରଖିଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ। ସେ କହିଛନ୍ତି କି, ରାଜନୀତି ପାଇଁ ଖୋଲା ହୃଦୟ ଦରକାର। ସଂକୀର୍ଣ୍ଣତାର ଊର୍ଦ୍ଧ୍ୱକୁ ଯାଇ ରାଜନୀତି ହେଉ।
