ଚଣ୍ଡିଖୋଲ ୦୫।୦୧ : ଚଳନ୍ତା ବସ୍ରେ ଲାଗିଲା ନିଆଁ । ଯାଜପୁର ଜିଲ୍ଲା ୧୬ ନମ୍ବର ଜାତୀୟ ରାଜପଥ ଛତିଆ ନିକଟରେ ଏକ ବସ୍ରେ ଲାଗିଛି ନିଆଁ । ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ ।
ଖବର ଅନୁଯାୟୀ, ଭୁବନେଶ୍ୱରରୁ କେନ୍ଦୁଝର ଅଭିମୁଖେ ଯାଉଥିଲେ ଲକ୍ଷ୍ନୀ ନାମକ ଏକ ଘରୋଇ ବସ୍ । ଗାଡିରେ ୫୦ରୁ ଅଧିକ ଯାତ୍ରୀ ଯାତ୍ରା କରୁଥିଲେ । ଯାଜପୁର ଛତିଆ ନିକଟରେ ହଠାତ୍ ବସ୍ରେ ନିଆଁ ଲାଗିଯାଇଥିଲା । ବସ୍ରୁ ଧୁଆଁ ବାହାରୁଥିବା ଦେଖି ତୁରନ୍ତ ଯାତ୍ରୀମାନଙ୍କୁ ଓହ୍ଲାଇ ଦେଇଥିଲେ ଡ୍ରାଇଭର । ଏହାପରେ ନିକଟସ୍ଥ ଅଗ୍ନିଶମ ବାହିନୀକୁ ଖବର ଦେଇଥିଲେ । ଅଗ୍ନିଶମ ବାହିନୀ ଖବର ପାଇ ଘଟଣାସ୍ଥଳରେ ପହଞ୍ଚି ବସ୍ରେ ଲାଗିଥିବା ନିଆଁକୁ ଆୟତ୍ତ କରିଥିଲେ । ତେବେ ବସ୍ର ବ୍ୟାଟେରୀରେ ସର୍ଟ ସର୍କିଟ ଯୋଗୁ ନିଆଁ ଲାଗିଥିବା ସନ୍ଦେହ କରାଯାଉଛି ।
