ନୂଆଦିଲ୍ଲୀ: ଆଇପିଏସ ଭିତୁଲ କୁମାର ସିଆରପିଏଫ ଡିଜି । ୧୯୯୩ ବ୍ୟାଚ୍ ୟୁପି କ୍ୟାଡରର ଏହି ଆଇପିଏସ୍ ଅଧିକାରୀଙ୍କୁ କେନ୍ଦ୍ର ସରକାର 'ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ'ର ମହାନିର୍ଦ୍ଦେଶକ ଭାବେ ନିଯୁକ୍ତି ଦେଇଛନ୍ତି । ସେ ବର୍ତ୍ତମାନର ସିଆରପିଏଫ ଡିଜି ଅନିଶ୍ ଦୟାଲ ସିଂହଙ୍କ ସ୍ଥାନ ନେବେ । ଅନିଶ୍ ଦୟାଲ ଡିସେମ୍ବର ୩୧ ତାରିଖ ଅର୍ଥାତ୍ ଆସନ୍ତାକାଲି ଅବସର ନେବେ । ତାଙ୍କ ସ୍ଥାନରେ ଆଇପିଏସ୍ ଭିତୁଲ କୁମାର, କେନ୍ଦ୍ର ସରକାରଙ୍କ ପରବର୍ତ୍ତୀ ନିର୍ଦ୍ଦେଶ ଯାଏଁ ଏହି ପଦ ସମ୍ଭାଳିବେ ।
The Centre has assigned Vitul Kumar, a 1993-batch Indian Police Service officer of Uttar Pradesh cadre, to officiate charge for the post of Director General of Central Reserve Police Force upon superannuation of incumbent force chief Anish Dayal Singh on December 31, 2024 till… pic.twitter.com/fwjOviA9Jo
— ANI (@ANI) December 30, 2024
ଏହା ପୂର୍ବରୁ ଆଇପିଏସ୍ ଭିତୁଲ କୁମାର ଦିଲ୍ଲୀ ସିଆରପିଏଫ ମୁଖ୍ୟାଳୟରେ ଏଡିଜି ଅପରେସନ ଦାୟିତ୍ବ ତୁଲାଉଥିଲେ । ସେପ୍ଟେମ୍ବର ମାସରେ ତାଙ୍କୁ ସିଆରପିଏଫର ସ୍ବତନ୍ତ୍ର ମହାନିର୍ଦ୍ଦେଶକ ଭାବେ ନିଯୁକ୍ତି ଦିଆଯାଇଥିଲା । ଡିଜି ଅନିଶ ଦୟାଲଙ୍କ କାର୍ଯ୍ୟକାଳ ଡିସେମ୍ବର ୩୧ ତାରିଖରେ ଶେଷ ହେଉଥିବାରୁ ଭିତୁଲ କୁମାରଙ୍କୁ ମହାନିର୍ଦ୍ଦେଶକ ଦାୟିତ୍ବ ଦିଆଯାଇଛି । ୧୯୬୮ରେ ପଞ୍ଜାବର ଭଟିଣ୍ଡାରେ ଜନ୍ମ ଗ୍ରହଣ କରିଥିଲେ ଭିତୁଲ । ସେ ଇଲେକ୍ଟ୍ରୋନିକ୍ସ ଇଞ୍ଜିନିୟରିଂରେ ବିଟେକ୍ ପରେ ସିଭିଲ୍ ସର୍ଭିସ ପରୀକ୍ଷା ଦେଇଥିଲେ ।
