ଚେନ୍ନାଇ: କେବେ ଆପଣ ଭାବିଛନ୍ତି ପଚାଶ ପଇସା ପାଇଁ ଦେବାକୁ ପଡ଼ିବ ୧୫ ହଜାର ଫାଇନ୍ । ଏହା ତ ସମ୍ଭବ ନୁହେଁ । କିଏ କାହିଁକି ୫୦ ପଇସା ପାଇଁ ଏତେ ଟଙ୍କା ପେନାଲ୍ଟି ଦେବାକୁ ଯିବ । ହିଁ ଆଜ୍ଞା ଏହା ସତ, ପଚାଶ ପାଇସା ପାଇଁ ଡାକ ବିଭାଗ ୧୫ ହଜାର ଫାଇନ୍ ହେବ । ଅର୍ଥାତ୍ ୫୦ ପାଇସା ପାଇଁ ୨,୯୯୯,୯୯୯ ପ୍ରତିଶତ ଅର୍ଥ ଦେବାକୁ ପଡ଼ିବ । ଚେନ୍ନାଇରୁ ସାମ୍ନାକୁ ଆସିଛି ଏଭଳି କିଛି ଖବର । କାଞ୍ଚିପୁରମ୍ ଜିଲ୍ଲା ଉପଭୋକ୍ତା ବିବାଦ ନିବାରଣ ଆୟୋଗ ଭାରତୀୟ ପୋଷ୍ଟ କୁ ମୋଟା ଅଙ୍କର ଫାଇନ୍ ଲଗାଇଛି ।
ମାମଲାଟି ୨୦୨୩, ଡିସେମ୍ବର ୧୩ ତାରିଖରେ ଖାଉଟି ଅଦାଲତରେ ରୁଜୁ ହୋଇଥିଲା । ମାନଶା ନାମକ ଜଣେ ଉପଭୋକ୍ତା ପୋଝିଚଲୂର ପୋଷ୍ଟ୍ ଅଫିସ୍ରେ ଏକ ପଞ୍ଜୀକୃତ ଚିଠି ପାଇଁ ନଗଦ ୩୦ ଟଙ୍କା ଦେଲେ । କିନ୍ତୁ ତାଙ୍କୁ ମିଳିଥିବା ରସିଦରେ ୨୯.୫୦ ଟଙ୍କା ଉଲ୍ଲେଖ ହୋଇଥିଲା । ମାନଶା ୟୁପିଆଇ ଜରିଆରେ ରସିଦରେ ଥିବା ପ୍ରକୃତ ରାଶି ଜମା କରିବାକୁ ଚେଷ୍ଟା କରିଥିଲେ । କିନ୍ତୁ ବୈଷୟିକ ସମସ୍ୟା ଯୋଗୁ ଡାକ ବିଭାଗ କର୍ମଚାରୀମାନେ ଏହାକୁ ସ୍ୱୀକାର କରି ନଥିଲେ । ସେମାନେ କହିଲେ, ଦୈନିକ ଲକ୍ଷାଧିକ ଟଙ୍କାର ନେଣଦେଣ ହେଉଛି । ଠିକ୍ ଢଙ୍ଗରେ ହିସାବ ନ ରଖିଲେ, ସରକାରଙ୍କର କ୍ଷତି ହୋଇପାରେ । ଏହାଯୋଗୁ ମାନଶାଙ୍କୁ ଗମ୍ଭୀର ମାନସିକ ଯନ୍ତ୍ରଣାର ସମ୍ମୁଖୀନ ହେବାକୁ ପଡ଼ିଥିଲା ।
