ବାଙ୍କି: ଗୁଳି ଫୁଟାଇ ପାଣି ପାଇପ୍ ଲୁଟ୍ ଘଟଣାରେ ବାଙ୍କି ପୋଲିସକୁ ମିଳିଛି ସଫଳତା । ୬ ଜଣ ଡକାୟତଙ୍କୁ ଗିରଫ କରିଛି ପୋଲିସ । ଏହାସହ ସେମାନଙ୍କ ଠାରୁ ଗୋଟିଏ ବୋଲୋର ଗାଡ଼ି ଏବଂ ଗୋଟିଏ କାର ଜବତ କରାଯାଇଛି ।
ଉଲ୍ଲେଖଯୋଗ୍ୟ ଯେ ମେଗା ପାନୀୟ ଜଳ ପ୍ରକଳ୍ପରେ ବ୍ୟବହୃତ ହେଉଥିବା ପାଇପ୍ କୁସିନ୍ଦା ଅଂଚଳରୁ ଚୋରି ନେଇ ଅଭିଯୋଗ ହୋଇଥିଲା । ଗତ ଜାନୁଆରୀ ୯ରେ ପାଇପ୍ ଚୋରି ହୋଇଥିବା ନେଇ କମ୍ପାନୀ ପକ୍ଷରୁ ବାଙ୍କୀ ଥାନାରେ ଲିଖିତ ଅଭିଯୋଗ ହୋଇଥିଲା । ପୋଲିସ ମାମଲା ରୁଜୁ କରି ଛାନଭିନ୍ ଆରମ୍ଭ କରିଥିଲା । କଟକ ଜିଲ୍ଲାର ଖୁଣ୍ଟୁଣୀ, ଗୁରୁଡ଼ିଝାଟିଆ ଓ ଖୋର୍ଦ୍ଧ ଅଞ୍ଚଳର କୋଟପଲ୍ଲାରେ ପୋଲିସ ଚଢଉ କରି ୬ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଛି । ଏହି ଘଟଣାରେ ଆଗାମୀ ଦିନରେ ଗିରଫ ସଂଖ୍ୟା ବଢିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
