କଟକ ୨୬।୧୦: କଟକ ଜିଲ୍ଲାରେ ସାମୁଦ୍ରିକ ବାତ୍ୟା ‘ଦାନା’ ସେଭଳି କୌଣସି କ୍ଷୟକ୍ଷତି କରିନାହିଁ । ସମଗ୍ର ଜିଲ୍ଲାରେ ମାତ୍ର ୪ଟି ଘର ଆଂଶିକ କ୍ଷତିଗ୍ରସ୍ତ ହୋଇଛି । ଯାହାର ରିପୋର୍ଟ ସରକାରଙ୍କୁ ପ୍ରଦାନ କରାଯାଇଛି ବୋଲି ଜିଲ୍ଲାପାଳ କହିଛନ୍ତି । ଯେହେତୁ ବର୍ଷାର ପରିମାଣ ମଧ୍ୟ ଅଧିକ ନଥିଲା । ତେଣୁ ଚାଷ ସେତେଟା ପ୍ରଭାବିତ ହୋଇନାହିଁ । ଯେଉଁ କେତୋଟି ସ୍ଥାନରେ ଗଛ ପଡି ରାସ୍ତା ବନ୍ଦ ହୋଇଯାଇଥିଲା । ସେସବୁ ଉଠାଇ ଦିଆଯାଇଛି । ତେବେ ପ୍ରାଥମିକ ରିପୋର୍ଟ ଏହା ହିଁ ରହିଛି । ଏହାପରେ ବି ଯଦି କେଉଁଠାରେ କିଛି କ୍ଷୟକ୍ଷତି ହୋଇଥିବ, ତେବେ ପ୍ରଶାସନର ଦୃଷ୍ଟି ଆକର୍ଷଣ କଲେ ତା ଉପରେ ବିଚାର କରାଯିବ ବୋଲି କଟକ ଜିଲ୍ଲାପାଳ କହିଛନ୍ତି । ସେହିପରି କଟକ ସହରରେ ମଧ୍ୟ କୌଣସି କ୍ଷତି ହୋଇନଥିବା ମେୟର କହିଛନ୍ତି ।
You Can Read:
