ଭୁବନେଶ୍ବର ୨୩।୮: ରାଜ୍ୟରେ ସମ୍ପୂର୍ଣ୍ଣ ବନ୍ଦ ହେବ ଡ୍ୟାନ୍ସ ବାର୍ । ବିଧାନସଭାରେ ମୁଲତବୀ ପ୍ରସ୍ତାବ ଆଲୋଚନା ବେଳେ ଉତ୍ତର ରଖିଛନ୍ତି ଅବକାରୀ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ । ଡ୍ୟାନ୍ସ ବାର୍ ସମ୍ପୂର୍ଣ୍ଣ ବନ୍ଦ କରାଯିବ ସହ ସ୍କୁଲ, କଲେଜ ଓ ମନ୍ଦିର ନିକଟରେ ମଦ ଦୋକାନ ରହିବ ନାହିଁ । ନିର୍ଦ୍ଧିଷ୍ଟ ଦୂରତାରେ ମଦ ଦୋକାନ ରହିବ । ଏକ ବର୍ଷରେ ଚୋରା ମଦ ନେଟୱର୍କ ବନ୍ଦ କରାଯିବ ବୋଲି ମନ୍ତ୍ରୀ କହିଛନ୍ତି । ସ୍କୁଲ କଲେଜ ନିକଟ ଅଞ୍ଚଳରେ ବାର୍ ଏବଂ ଅଫ୍ ସପ୍ ଖୋଳାଯାଇଛି । ପୂର୍ବ ସରକାର ବେଆଇନ ମଦକୁ ପ୍ରଶୟ ଦେଇଥିଲେ, ତାକୁ ଆମେ ଭାଙ୍ଗିବୁ ।
ନୂଆ ପଲିସି ଆସିବ । ବେଆଇନ ମଦ କାରବାର ନେଟୱାର୍କକୁ ସମ୍ପୂର୍ଣ୍ଣ ବନ୍ଦ କରାଯିବ । ସରକାରୀ ଜାଗାରେ ହେଉଥିବା ମଦ କାରବାରକୁ ବୁଲଡୋଜର ଲଗାଇ ଭଙ୍ଗାଯିବ । ବର୍ଷକ ଭିତରେ ବେଆଇନ ଚୋରା ମଦ ବେପାର ପୁରା ବନ୍ଦ ହେବ । ଯେଉଁମାନେ ବେଆଇନ ମଦ କାରବାରରେ ଲିପ୍ତ ଅଛନ୍ତି ସେମାନେ କ୍ରିମିନାଲ ।
You Can Read:
