ଦାରିଙ୍ଗବାଡି ୧୫/୨୫ : କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ନାବାଳିକା ପ୍ରସବ ଘଟଣାରେ ମୁଖ୍ୟ ଅଭିଯୁକ୍ତ ଗିରଫ । ନାବାଳିକା ଝିଅ ସହିତ ସମ୍ପର୍କ ରଖିଥିବା ଯୁବକଙ୍କୁ ପୋଲିସ ଗିରଫ କରିଛି । ଶୁକ୍ରବାର ଅଭିଯୁକ୍ତକୁ ଦାରିଙ୍ଗବାଡ଼ି ପୋଲିସ ଗିରଫ କରି କୋର୍ଟ ଚାଲାଣ କରିଛି । ଯୁବକ ହେଲେ ସିରିପାକାଲି ଗାଁର ଦୁଷ୍ମନ୍ତ ପ୍ରଧାନ । ସେ ନାବାଳିକଙ୍କ ସହିତ ଶାରୀରିକ ସମ୍ପର୍କ ରଖିଥିବା ନେଇ ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି ।
ସୂଚନା ଅନୁସାରେ, ବୁଧବାର ସକାଳେ ନାବାଳିକା ଜଣଙ୍କ ଅସୁସ୍ଥ ହୋଇପଡ଼ିଥିଲେ । ପରିବାର ଲୋକ ତାଙ୍କୁ ତୁରନ୍ତ ଦାରିଙ୍ଗବାଡ଼ି ହସ୍ପିଟାଲରେ ଭର୍ତ୍ତି କରିଥିଲେ । ସେଠାରେ ନାବାଳିକା ଲୋକଲଜ୍ଜ୍ୟକୁ ଏଡ଼ାଇବା ପାଇଁ ମେଡିକାଲ ଶୌଚାଳୟ ଭିତରେ ଏକ ଶିଶୁ କନ୍ୟାକୁ ଜନ୍ମ ଦେଇ ଫିଙ୍ଗି ଦେଇଥିଲେ । ପରେ ନାବାଳିକାଙ୍କ ମା’ ଏନେଇ ହସ୍ପିଟାଲ କର୍ମଚାରୀଙ୍କୁ ସୂଚନା ଦେଇଥିଲେ । ତେବେ ମେଡିକାଲ ଅଧିକାରୀଙ୍କ ନିର୍ଦ୍ଦେଶ କ୍ରମେ ଅଗ୍ନିଶମ ବାହିନୀ ମୃତ ଶିଶୁକୁ ଉଦ୍ଧାର କରିଥିଲେ । ଅନ୍ୟପଟେ ନାବାଳିକା ଝିଅ ଏବେ ହସ୍ପିଟାଲରେ ଚିକିତ୍ସିତ ହେଉଛନ୍ତି । ଏପଟେ ପୋଲିସ ଏହି ମାମଲାକେ ତଦନ୍ତ କରି ଅଭଯୁକ୍ତ ଦୁଷ୍ମନ୍ତ ପ୍ରଧାନକୁ ଗିରଫ କରି କୋର୍ଟ ଚାଲାଣ କରିଛି ।....
