ରାଉରକେଲା ୩୦।୧୧: NIT ରାଉରକେଲାରେ ୬ଟି ମେଗା ପ୍ରକଳ୍ପର ଶିଳାନ୍ୟାସ କଲେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏଥି ସହ NIT କ୍ୟାମ୍ପସରେ କେନ୍ଦ୍ରୀୟ ବିଦ୍ୟାଳୟର ଶୁଭାରମ୍ଭ କରିଛନ୍ତି କେନ୍ଦ୍ରମନ୍ତ୍ରୀ । NIT ରାଉରକେଲା ଠାରେ ଛାତ୍ରଛାତ୍ରୀ ଓ ଅଧ୍ୟାପକଙ୍କ ସୁବିଧା ପାଇଁ ପ୍ରାୟ ୨୫୦ କୋଟି ଟଙ୍କା ବ୍ୟୟରେ ୬ଟି ମେଗା ପ୍ରକଳ୍ପର ଶିଳାନ୍ୟାସ ଓ ଭୂମିପୂଜନ କରିଛନ୍ତି । ଏହି ଅବସରରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, ୧୦୦ଜଣ ଓଡ଼ିଆ ପିଲାଙ୍କୁ ୧୦୦କୋଟି ଟଙ୍କାର ରୋଜଗାର କରାଇବାର ସଂକଳ୍ପ ନେବା । ୨୦୩୬ରେ ଓ ୨୦୪୭ ସୁଦ୍ଧା ଓଡ଼ିଆ ପିଲାଙ୍କୁ ରୋଜଗାର ଦେବାର ଲକ୍ଷ୍ୟକୁ ପୂରଣ କରିବା ପାଇଁ NIT ରାଉରକେଲାକୁ ନେତୃତ୍ବ ନେବାକୁ ପଡ଼ିବ ।
କେନ୍ଦ୍ରମନ୍ତ୍ରୀ ଆହୁରି ବି କହିଛନ୍ତି ଯେ ବିକଶିତ ଭାରତର ଅର୍ଥ ହେଉଛି ଓ୍ବେଲଥ କ୍ରିଏଟର ହେବା, ଉଦ୍ୟମିତା ବଢ଼ାଇବା, ଚାକିରି କରିବା ନୁହେଁ ଚାକିରି ଦେବାର ନୂଆ ଯୁଗ ଆରମ୍ଭ କରିବା । ସ୍ଥାନୀୟ ଅଞ୍ଚଳର ସ୍କୁଲ, କଲେଜ ଓ ବୈଷୟିକ ଅନୁଷ୍ଠାନକୁ ନେଇ NIT ରାଉରକେଲାକୁ ‘ନ୍ୟୁ ଏଜୁକେସନ ମଡେଲ’ ବିକଶିତ କରିବାକୁ ପରାମର୍ଶ ଦେଇଛନ୍ତି କେନ୍ଦ୍ରମନ୍ତ୍ରୀ । ସେଣ୍ଟ୍ରାଲ ଟୁଲ ରୁମର ଶାଖା ଏଠାରେ ଖୋଲାଯିବାର ଯୋଜନା ହୋଇଛି । NIT ରାଉରକେଲା ଦେଶର ଗୌରବ ଏବଂ ଓଡ଼ିଶାର ବୌଦ୍ଧିକ ପରିପ୍ରକାଶର ପରିଚୟ ପତ୍ର । NIT ରାଉରକେଲାର FTBI ବୁଲିବା ସହ ଯୁବ ଉଦ୍ୟୋଗୀଙ୍କ ପ୍ରତିଭାକୁ ପ୍ରଶଂସା କରିଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
You Can Read:
wp:embed {"url":"https://www.prameyanews7.com/in-the-next-24-hours-low-pressure-intensifies-into-depression/","type":"wp-embed","providerNameSlug":"prameya-news-7"}
