ମୁମ୍ଵାଇ ୧୮।୦୨; ମହାକୁମ୍ଭ ମେଳାରେ ମାଳ ବିକ୍ରି କରି ଲୋକପ୍ରିୟ ହୋଇଥିବା ଭାଇରାଲ୍ ଗାର୍ଲ ମୋନାଲିସା।ବର୍ତ୍ତମାନ ସେ କୌଣସି ଷ୍ଟାରଠାରୁ କମ୍ ନୁହଁନ୍ତି। ମହାକୁମ୍ଭରେ ବିକ୍ରିକରୁଥିଲେ ମାଳା । ଯାହାର ଭିଡିଓ ଭାଇରାଲ ହେବା ପରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା। ମୋନାଲିସାଙ୍କ ସୁନ୍ଦର ଆଖି ଏବଂ ସୌନ୍ଦର୍ଯ୍ୟ ସମସ୍ତଙ୍କ ହୃଦୟ ଜିଣିଥିଲା। ନିକଟରେ ଖବର ଆସିଥିଲା ଯେ ମୋନାଲିସାଙ୍କୁ ଏକ ସିନେମାର ଅଫର୍ ମିଳିଛି।
ନିର୍ଦ୍ଦେଶକ ସନୋଜ ମିଶ୍ର ତାଙ୍କୁ "ଦି ଡାଏରୀ ଅଫ୍ ମଣିପୁର" ଫିଲ୍ମ ଅଫର୍ କରିଛନ୍ତି। ଏହି ଖବରକୁ ନେଇ ଏବେ ଚର୍ଚ୍ଚା ହେଉଥିବା ବେଳେ ପ୍ରଯୋଜକ ଜିତେନ୍ଦ୍ର ନାରାୟଣ ସିଂହ ସନୋଜ ମିଶ୍ରଙ୍କ ବିଷୟରେ ଅନେକ ଖୁଲାସା କରିଛନ୍ତି। ଏକ ସାକ୍ଷାତକାରରେ ଜିତେନ୍ଦ୍ର ନାରାୟଣ ସିଂହ, ସନୋଜ ମିଶ୍ରଙ୍କ ଉପରେ ମୋନାଲିସା ଏବଂ ତାଙ୍କ ପରିବାରର ଫାଇଦା ଉଠାଇବାର ଅଭିଯୋଗ ଆଣିଛନ୍ତି। ଜିତେନ୍ଦ୍ର କହିଛନ୍ତି ଯେ, "ସନୋଜଙ୍କ ସହ କାମ କରିବାର ତାଙ୍କର ଅଭିଜ୍ଞତା ଖରାପ ଥିଲା। ଦୁହେଁ ତିନୋଟି ଫିଲ୍ମରେ ଏକାଠି କାମ କରିଛନ୍ତି। ସନୋଜ ବହୁତ ବଡ଼ ଠକ। ସେ ମଦ୍ୟପାନ କରନ୍ତି।"
ଜିତେନ୍ଦ୍ରଙ୍କ କହିବା ମୁତାବକ, "ମୋନାଲିସା ଏବଂ ତାଙ୍କ ପରିବାର ପାଇଁ ମୋତେ ଖରାପ ଲାଗୁଛି। ସେମାନେ ବହୁତ ସରଳ ଏବଂ ସାଧାରଣ ଲୋକ। ତେଣୁ ସନୋଜ ମିଶ୍ରଙ୍କ ଭଳି ଲୋକ ତାଙ୍କ ଘରେ ପହଞ୍ଚିବା ପରେ କୌଣସି ବିଷୟରେ ଯାଞ୍ଚ ନକରି, ସେମାନେ ତାଙ୍କ ଝିଅକୁ ସନୋଜଙ୍କ ସାଥିରେ ଛାଡ଼ିଛନ୍ତି। ଜିତେନ୍ଦ୍ର ନାରାୟଣ ଏହା ମଧ୍ୟ ଦାବି କରିଛନ୍ତି ଯେ କୌଣସି ପ୍ରଯୋଜକ ସନୋଜ ମିଶ୍ରଙ୍କ ଫିଲ୍ମକୁ ସମର୍ଥନ କରିବେ ନାହିଁ। ସେଥିପାଇଁ ତାଙ୍କ ପାଖରେ ଫିଲ୍ମ ତିଆରି କରିବା ପାଇଁ ଟଙ୍କା ନାହିଁ।"
