ଭଦ୍ରକ ୦୩/୦୨: ଆକ୍ସନ ମୁଡରେ ଭଦ୍ରକ ଜିଲ୍ଲାପାଳ । ଚାଷୀ ବେଶରେ ପହଞ୍ଚିଲେ, ଅନିୟମିତତା ଦେଖି ଅଧିକାରୀଙ୍କୁ କଲେ ସୋ କଜ୍ ନୋଟିସ୍ । ସକାଳୁ ସକାଳୁ ହାପ୍ ପ୍ୟାଣ୍ଟ ସାଙ୍ଗକୁ ଟି-ସାର୍ଟ ପିନ୍ଧି ମଣ୍ଡିରେ ପହଞ୍ଚିଥିଲେ ଜିଲ୍ଲାପାଳ। ପରିଚୟ ଗୋପନ ରଖି ଚାଷୀଙ୍କ ସମସ୍ୟା ପଚାରି ବୁଝିଲେ ।
ସଂଗେ ସଂଗେ ଅନିୟମିତତା ଦେଖିବାରୁ ଫୈସଲା ଅନ୍ ସ୍ପଟ କଲେ । ମଣ୍ଡି ଅଧିକାରୀଙ୍କୁ ଧରାଇଦେଲେ ସୋ କଜ୍ ନୋଟିସ୍ । ଧାମନଗର ବ୍ଲକ କଟସାହି ଧାନ ମଣ୍ଡି ଯାଞ୍ଚ କରି ମଣ୍ଡି ଅଧିକାରୀଙ୍କୁ କାରଣ ଦର୍ଶାଅ ନୋଟିସ ଜାରି କରିଛନ୍ତି ଭଦ୍ରକ ଜିଲ୍ଲାପାଳ।
ଉଠାଦୋକାନରେ ଲାଗିଲା ନିଆଁ, ଲକ୍ଷାଧିକ ଟଙ୍କାର ସାମଗ୍ରୀ ପୋଡି ପାଉଁଶ
ସୂଚନାଥାଉକି, ସୋମବାର ସକାଳୁ ସକାଳୁ ହାପ୍ ପ୍ୟାଣ୍ଟ ସାଙ୍ଗକୁ ଟି-ସାର୍ଟ ଓ ବେକରେ ଗାମୁଛା ପକାଇ ଧାମନଗର ବ୍ଲକ କଟସାହି ମଣ୍ଡିରେ ପହଞ୍ଚିଥିଲେ ଭଦ୍ରକ ଜିଲ୍ଲାପାଳ ଦିଲ୍ଲୀପ ରାଉତରାଏ । ସାଙ୍ଗରେ ସୁରକ୍ଷାକର୍ମୀ ଓ ଡ୍ରାଇଭରଙ୍କୁ ନେଇଥିଲେ ସମାନ ବେଶରେ । ବଜାର ଠାରୁ କିଛି ଦୂରରେ ଗାଡି ରଖି କିଛି ସମୟ ମଣ୍ଡିରେ ବୁଲିଥିଲେ ଜିଲ୍ଲାପାଳ । ପରିଚୟ ଗୋପନ ରଖି ଚାଷୀଙ୍କୁ ସମସ୍ୟା ପଚାରି ବୁଝିଥିଲେ ।
ଜିଲ୍ଲାପାଳ ନିଜେ ଦୋକାନୀ ଓ ଚାଷୀଙ୍କୁ ଧାନ ବିଷୟରେ ପଚାରିଥିଲେ । ଶେଷରେ ମଣ୍ଡିରେ ପହଞ୍ଚି ଅନ୍ୟ ଜଣେ ଚାଷୀଙ୍କ ନାମରେ ଟୋକନ ଧରି ଧାନ ବିକ୍ରି ପାଇଁ କହିଥିଲେ । ହେଲେ ସମବାୟ ଦାୟିତ୍ଵରେ ଥିବା ଅଧିକାରୀ ଚିହ୍ନିପାରି ନଥିଲେ । ୮ କିଲୋ ପର୍ଯ୍ୟନ୍ତ କଟନୀ ଛଟନୀ ହେବ ବୋଲି ସିଧା ସିଧା କହି ଦେଇଥିଲେ। ବାସ୍ ଫୈସଲା ଅନ୍ ସ୍ପଟ୍। ସଙ୍ଗେ ସଙ୍ଗେ ସେହିଠାରେ ମଣ୍ଡି ଅଧିକାରୀଙ୍କୁ କାରଣ ଦର୍ଶାଅ ନୋଟିସ ଜାରି କରିଥିଲେ ଜିଲ୍ଲାପାଳ।
