ସମ୍ବଲପୁର୩/୯: ଡେବ୍ରିଗଡ ଅଭୟାରଣ୍ୟରେ ଅନେକ ବର୍ଷ ଧରି ଘେରାବନ୍ଦୀରେ ଥିବା ହାତୀ ଖରସେଲ୍ର ମୃତ୍ୟୁ ହୋଇଛି । ବୟସାଧିକ କାରଣରୁ ଖରସେଲର ମୃତ୍ୟୁ ହୋଇଥିବା କହିଛନ୍ତି ଡେବ୍ରିଗଡ ଡିଏଫ୍ଓ ଅଂଶୁପ୍ରଜ୍ଞା ଦାଶ । ଖରସେଲ୍ର ବୟସ ୬୫ ବର୍ଷରୁ ଅଧିକ ଥିଲା । ପ୍ରାୟ ୫ରୁ ୬ ମାସ ହେବ ହାତୀର ଗତିବିଧି ମନ୍ଥର ହୋଇଯାଇଥିଲା । ଠିକ୍ରେ ଚଳପ୍ରଚଳ କରୁନଥିଲା କି ଖାଇବା ପିଇବା କରୁନଥିଲା । ଖରସେଲକୁ ୧୯୯୮ରେ ବଲାଙ୍ଗୀର ଖରସେଲ୍ ଜଙ୍ଗଲରୁ ଟ୍ରାଙ୍କୁଲାଇଜ କରି ଡେବ୍ରିଗଡକୁ ଅଣାଯାଇଥିଲା । ସେହି ଜଙ୍ଗଲରେ ଅନେକଙ୍କୁ ଆକ୍ରମଣ କରି ଜୀବନ ନେଇଥିଲା ଖରସେଲ୍।
