କଳାହାଣ୍ଡି,୦୨/୦୨: କଳାହାଣ୍ଡିରେ ନରହନ୍ତା ଦନ୍ତାର ତାଣ୍ଡବ । ବିଳମ୍ୱିତ ରାତିରେ ୨ଜଣଙ୍କୁ ଦଳିଦେଲା ଗଜରାଜ । ଦନ୍ତା ଉତ୍ପାତର ଖବର କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ସେକ୍ସନ କାଦୋମାଳି ଗାଁରୁ ଆସିଛି । ଦୁଇ ମୃତକ ହେଲେ ମୁହାନୀ ମାଝୀ ଏବଂ ଗଦା ମାଝୀ ।
ସୂଚନା ମୁତାବକ, ଶନିବାର ବିଳମ୍ବ ରାତିରେ ଶୋଇଥିବା ବେଳେ ମୁଗାନ ମାଝୀ ଏବଂ ଗଦା ମାଝୀ ହାତୀ ଆକ୍ରମଣର ଶିକାର ହୋଇଥିଲେ । ନରହନ୍ତା ଦନ୍ତା ଦୁଇ ବୃଦ୍ଧଙ୍କୁ କଚାଡ଼ିବା ପରେ ଦଳି ଦେଇଥିଲା । ଫଳରେ ଉଭୟ ବୃଦ୍ଧ ଘଟଣାସ୍ଥଳରେ ପ୍ରାଣ ହରାଇଛନ୍ତି । ରବିବାର ଅର୍ଥାତ୍ ଆଜି ସକାଳେ ଉଭୟଙ୍କ ମୃତଦେହକୁ ଗ୍ରାମବାସୀ ଦେଖିବାକୁ ପାଇଥିଲେ । ପରେ ତୁରନ୍ତ ବନ ବିଭାଗକୁ ଖବର ଦେଇଥିଲେ । ଘଟଣାସ୍ଥଳରେ ବନ ଟିମ୍ ପହଞ୍ଚି ମୃତଦେହ ଜବତ କରିଛନ୍ତି ।
