ନୂଆଦିଲ୍ଲୀ: ମୋଦୀଙ୍କ ଆମେରିକା ଗସ୍ତ ସାରି ଫେରିବାର ସପ୍ତାହ ବିତିନି ଭାରତକୁ ଆଉ ଏକ ଶକ୍ତ ଝଟ୍‌କା ଦେଲା ଆମେରିକା। ଭାରତରେ ଭୋଟରଙ୍କ ସଂଖ୍ୟା ବୃଦ୍ଧି କରିବା ପାଇଁ ଆମେରିକା ଦେଉଥିବା ୨୧ ନିୟୁତ ଡଲାର ପାଣ୍ଠିକୁ ରଦ୍ଦ କରି ଦେଇଛି। କେବଳ ସେତିକି ନୁହେଁ, ବାଂଲାଦେଶରେ ରାଜନୈତିକ ସ୍ଥିତି ମଜଭୁତ କରିବା ପାଇଁ ଖର୍ଚ୍ଚ କରାଯାଉଥିବା ୨୯ ନିୟୁତ ଡଲାର କାର୍ଯ୍ୟକ୍ରମକୁ ମଧ୍ୟ ରଦ୍ଦ କରିଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନେତୃତ୍ୱାଧୀନ ନୂଆ ଆମେରିକା ସରକାର।

ଟ୍ରମ୍ପ ପ୍ରଶାସନ ବଜେଟ୍ ହ୍ରାସ କରିବା ସହିତ ଆମେରିକା ଭାରତ ଏବଂ ବାଂଲାଦେଶ ସମେତ ଅନେକ ଦେଶ ପାଇଁ ନିୟୁତ ଡଲାରର ପାଣ୍ଠି ବାତିଲ କରିଛି। ଏଲୋନ ମସ୍କଙ୍କ ସରକାରୀ ଦକ୍ଷତା ବିଭାଗ (DOGE) ରବିବାର ଭାରତ ଓ ବାଂଲାଦେଶକୁ ଦିଆଯାଉଥିବା ଏହି ପାଣ୍ଠିକୁ ରଦ୍ଦ କରିବା ନେଇ ଘୋଷଣା କରିଛି। ଏନେଇ ଡଜ୍ ପକ୍ଷରୁ ଏକ୍ସରେ ପୋଷ୍ଟ କରି ସୂଚନା ଦିଆଯାଇଛି। ଯେଉଁଥିରେ କୁହାଯାଇଛି "ଆମେରିକୀୟ କରଦାତାଙ୍କ ଡଲାରରେ ନିମ୍ନଲିଖିତ ଜିନିଷଗୁଡ଼ିକ ପାଇଁ ଖର୍ଚ୍ଚ ହେବାରେ ଥିଲା, ଏବେ ଏସବୁକୁ ବାତିଲ କରାଯାଇଛି।" 
ଏହି ନିଷ୍ପତ୍ତି, ଆନ୍ତର୍ଜାତୀୟ ସ୍ତରରେ ଆମେରିକା ଦେଉଥିବା ବ୍ୟାପକ ସହାୟତାକୁ ହ୍ରାସ କରିବାକୁ ନିଆଯାଇଛି। ଡଜ୍‌ର ଏହି ନିଷ୍ପତ୍ତି ଫଳରେ ଉଭୟ ଦେଶ(ଭାରତ-ବାଂଲାଦେଶ)ରେ ନିର୍ବାଚନ ପ୍ରକ୍ରିୟା ଏବଂ ରାଜନୈତିକ ସ୍ଥିରତାକୁ ଉନ୍ନତ କରିବା ନିଆଯାଉଥିବା ପଦକ୍ଷେପଗୁଡ଼ିକ ପ୍ରଭାବିତ ହୋଇପାରେ। ଏହା ପୂର୍ବରୁ ଏଲୋନ ମସ୍କ ବାରମ୍ବାର କହିଥିଲେ ଯେ ବଜେଟ୍ କାଟ ବିନା "ଆମେରିକା ଦେବାଳିଆ ହୋଇଯିବ।" ତେଣୁ ଏସବୁ ପଦକ୍ଷେପ ସୁରକ୍ଷିତ ବଜେଟ୍ ପାଇଁ ବୋଲି କୁହାଯାଉଛି।  

ଆମେରିକାର ଏହି ଘୋଷଣା ପରେ ବିଜେପି ପ୍ରତିକ୍ରିୟା ଦେଇଛି। ବିଜେପି ଆଇଟି ସେଲ୍ ମୁଖ୍ୟ ଅମିତ ମାଲବ୍ୟ ଆମେରିକାର ଫଣ୍ଡିଂକୁ ବାହ୍ୟ ହସ୍ତକ୍ଷେପ ବୋଲି ଦର୍ଶାଇଛନ୍ତି। ସେ କହିଛନ୍ତି ଯେ ଭାରତରେ ଭୋଟର ସଂଖ୍ୟା ବଢ଼ାଇବା ପାଇଁ 21 ମିଲିୟନ ଡଲାର ଦିଆଯାଉଥିଲା। ଏହା ନିଶ୍ଚିତ ରୂପେ ଭାରତର ନିର୍ବାଚନ ପ୍ରକ୍ରିୟାରେ ବାହ୍ୟ ହସ୍ତକ୍ଷେପ। ଏଥିରୁ କିଏ ଲାଭ ପାଇବ? ଶାସକ ଦଳ ତ ନୁହେଁ!"

କେବଳ ଭାରତ ନୁହେଁ ଅନ୍ୟ ଦେଶକୁ ଆମେରିକା ଦେଉଥିବା ପଣ୍ଡିଂକୁ ମଧ୍ୟ କାଟ କରାଯାଇଛି। ଏଥିରେ ପ୍ରଭାବିତ ଦେଶମାନେ ହେଲେ - 
  • ମୋଜାମ୍ବିକ ସ୍ୱେଚ୍ଛାସେବୀ ଚିକିତ୍ସା ପୁରୁଷ ସୁନ୍ନତ" ପାଇଁ ୧୦ ମିଲିୟନ ଡଲାର
 • ଉଦ୍ୟୋଗ ପାଇଁ କାମ୍ବୋଡିଆନ୍ ଯୁବକଙ୍କ ଦକ୍ଷତା ବିକାଶ ପାଇଁ ୟୁସି ବର୍କଲି ପାଇଁ ୯.୭ ମିଲିୟନ ଡଲାର
 • "କମ୍ବୋଡିଆରେ ସ୍ୱାଧୀନ ସ୍ୱରକୁ ମଜବୁତ କରିବା" ପାଇଁ ୨.୩ ମିଲିୟନ ଡଲାର
 • ପାରାଗୁଏ ସିଭିଲ ସୋସାଇଟି ସେଣ୍ଟର ପାଇଁ $୩୨ ମିଲିୟନ
 • "ଲିଙ୍ଗଗତ ସମାନତା ଏବଂ ମହିଳା ସଶକ୍ତିକରଣ କେନ୍ଦ୍ର" ପାଇଁ $୪୦ ମିଲିୟନ
 • ସର୍ବିଆରେ "ସାର୍ବଜନୀନ କ୍ରୟକୁ ଉନ୍ନତ କରିବା" ପାଇଁ $୧୪ ମିଲିୟନ
 • "ନିର୍ବାଚନ ଏବଂ ରାଜନୈତିକ ପ୍ରକ୍ରିୟା ସୁଦୃଢ଼ କରିବା ପାଇଁ ଶିଳ୍ପସଂଘ ପାଇଁ $୪୮୬ ମିଲିୟନ, ଯେଉଁଥିରେ ମାଲଡୋଭାରେ "ସମାବେଶୀ ଏବଂ ଅଂଶଗ୍ରହଣକାରୀ ରାଜନୈତିକ ପ୍ରକ୍ରିୟା" ପାଇଁ $୨୨ ମିଲିୟନ ଅନ୍ତର୍ଭୁକ୍ତ
 • ନେପାଳରେ "ଆର୍ଥିକ ସଂଘୀୟତା" ପାଇଁ $୨୦ ମିଲିୟନ
 • ନେପାଳରେ "ଜୈବ ବିବିଧତା ଆଲୋଚନା" ପାଇଁ $୧୯ ମିଲିୟନ
 • ଲାଇବେରିଆରେ "ଭୋଟର ବିଶ୍ୱାସ" ପାଇଁ $୧.୫ ମିଲିୟନ
 • ମାଲିରେ "ସାମାଜିକ ସଂହତି" ପାଇଁ $୧୪ ମିଲିୟନ
 • "ଦକ୍ଷିଣ ଆଫ୍ରିକାରେ ଅନ୍ତର୍ଭୁକ୍ତ ଗଣତନ୍ତ୍ର" ପାଇଁ $୨.୫ ମିଲିୟନ
 • "ଏସିଆରେ ଶିକ୍ଷା ଫଳାଫଳକୁ ଉନ୍ନତ କରିବା" ପାଇଁ $୪୭ ମିଲିୟନ
 • "କୋସୋଭୋ ରୋମା, ଆଶକାଲି ଏବଂ ଇଜିପ୍ଟର ଉପେକ୍ଷିତ ସମ୍ପ୍ରଦାୟ ମଧ୍ୟରେ ସାମାଜିକ-ଆର୍ଥିକ ସଂହତି ବୃଦ୍ଧି କରିବା" ପାଇଁ "ସ୍ଥାୟୀ ପୁନଃଚକ୍ରଣ ମଡେଲ" ବିକଶିତ କରିବାକୁ $୨ ମିଲିୟନ