ନୂଆଦିଲ୍ଲୀ: ହରିୟାଣା ବିଧାନସଭା ନିର୍ବାଚନ ପାଇଁ ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରଚାର ଆରମ୍ଭ କରିଛନ୍ତି । ଭାରତୀୟ ଜନତା ପାର୍ଟି ହରିୟାଣାରେ ବିଜୟର ହ୍ୟାଟ୍ରିକ୍ ମାରିବାକୁ ଯାଉଛି ବୋଲି ପିଏମ୍ କହିଛନ୍ତି । ହରିୟାଣାରେ ପିଏମ୍ ମୋଦୀ ବିରୋଧୀଙ୍କୁ ଟାର୍ଗେଟ୍ କରିବା ସହ କଂଗ୍ରେସ କେବଳ ତୁଷ୍ଟୀକରଣ ରାଜନୀତି କରୁଥିବା କହିଛନ୍ତି । କର୍ଣ୍ଣାଟକରେ କଂଗ୍ରେସ ସରକାର ଅଛି ଏବଂ କେବଳ ତୁଷ୍ଟୀକରଣ ରାଜନୀତି ପାଇଁ ଆମର ପୂଜ୍ୟ ଗଣପତିଙ୍କୁ ଜେଲରେ ବନ୍ଦୀ କରିଛନ୍ତି । ଏହା ତୁଷ୍ଟୀକରଣ ରାଜନୀତି ନୁହେଁ ତ ଆଉ କଣ ?
#WATCH | Kurukshetra, Haryana: PM Narendra Modi says, "Appeasement is the biggest goal for Congress. Today the situation has become such that even Ganpati is being put behind bars in the Congress-ruled state of Karnataka. The whole country is celebrating Ganesh Utsav today and… pic.twitter.com/pRGKVVgCT0
— ANI (@ANI) September 14, 2024
ପିଏମ୍ ମୋଦୀ ଜନସଭାକୁ ସମ୍ୱୋଧନ କରି କହିଛନ୍ତି, 'ଆମ ବିଜେପି ସରକାର ଯାହା କୁହେ ତାକୁ ପୂରଣ ମଧ୍ୟ କରେ । ଆମ ସରକାର ତିନି କୋଟି ପକ୍କା ଘରକୁ ମଞ୍ଜୁରୀ ଦେଇଛି, ପ୍ରତିଟି ଗରିବଙ୍କ ନିଜର ସ୍ୱପ୍ନର ଘର ରହିବ । କେନ୍ଦ୍ର ସରକାରଙ୍କ ସମସ୍ତ ଯୋଜନାର ଲାଭ ହରିୟାଣାକୁ ମଧ୍ୟ ମିଳିଛି । ଶତାଧିକ ଲକ୍ଷପତି ଦିଦିଙ୍କ ଲାଭ ଆଜି ହରିୟାଣାକୁ ମିଳିଛି । ଏବେ ୭୦ ବର୍ଷରୁ ଅଧିକ ସମସ୍ତ ବରିଷ୍ଠ ନାଗରିକଙ୍କୁ ୫ ଲକ୍ଷ ଯାଏ ସ୍ୱାସ୍ଥ୍ୟ ବୀମାର ଲାଭ ମିଳିବ ।'
ପିଏମ୍ ମୋଦୀ କହିଛନ୍ତି ଯେ କଂଗ୍ରେସ ଆରମ୍ଭରୁ ହିଁ ସଂରକ୍ଷଣ ବିରୋଧୀ ରହିଛି । ନେହରୁ ଜୀ ପିଏମ୍ ଥିବା ବେଳେ ସଂରକ୍ଷଣର ବିରୋଧ କରିଥିଲେ । ନେହରୁ ଜୀ ଓବିସି ସଂରକ୍ଷଣ ପାଇଁ ଗଠିତ କାକା କାଲେଲକର କମିଶନ ରିପୋର୍ଟ ଚାପି ଦେଇଥିଲେ । ତାଙ୍କ ପରେ ଇନ୍ଦିରା ଗାନ୍ଧୀ ମଧ୍ୟ ଓବିସି ସଂରକ୍ଷଣ ଉପରେ ରୋକ ଲଗାଇ ରଖିଥିଲେ । ଯେତେବେଳେ ଜନତା ତାଙ୍କୁ ହଟାଇଲେ ଏବଂ ଜନତା ପାର୍ଟିର ସରକାର ହେଲା, ସେତେବେଳେ ମଣ୍ଡଳ କମିଶନ ଗଠନ ହେଲା । କିନ୍ତୁ କଂଗ୍ରେସ ଆସିବା ପରେ ମଣ୍ଡଳ କମିଶନ ରିପୋର୍ଟକୁ ଚାପି ଦିଆଗଲା । ଏହାପରେ ରାଜୀବ ଗାନ୍ଧୀ ମଧ୍ୟ ନିଜ ସରକାରରେ ଓବିସିକୁ ସଂରକ୍ଷଣ ସୁବିଧା ଦେଲେ ନାହିଁ । ପିଏମ୍ ମୋଦୀ ଜୋର ଦେଇ କହିଛନ୍ତି, 'କଂଗ୍ରେସ ଶୁଣି ରଖୁ...ଯେପର୍ଯ୍ୟନ୍ତ ମୋଦୀ ଅଛି, ସେପର୍ଯ୍ୟନ୍ତ ବାବା ସାହେବ ଆମ୍ୱେଦକରଙ୍କ ଦ୍ୱାରା ଦିଆଯାଇଥିବା ସଂରକ୍ଷଣରେ ସାମାନ୍ୟ ଲୁଟ୍ ହେବାକୁ ଦେବ ନାହିଁ...ଏହା ମୋଦୀର ଗ୍ୟାରେଣ୍ଟି ।'
