ମୁନିଗୁଡ଼ା ୧୯।୦୮ : ରାୟଗଡ଼ା ଜିଲ୍ଲା ଚନ୍ଦ୍ରପୁର ବ୍ଲକ ଜବାଗୁଡି ଗାଁରେ ଅଜଣା ରୋଗର ଆତଙ୍କ । ରବିବାର ଗଲା ଆଉ ଜଣଙ୍କ ଜୀବନ । ଏବେ ସୁଦ୍ଧା ମୃତ୍ୟୁ ସଂଖ୍ୟା ୫ରେ ପହଞ୍ଚିଛି ।
ଖବର ଅନୁଯାୟୀ, ଚନ୍ଦ୍ରପୁର ଜବାଗୁଡି ଗାଁରେ ଗତ କିଛି ଦିନ ହେବ ଅଜଣା ରୋଗର ଆତଙ୍କ ଦେଖାଦେଇଛି । ଏପିରିକି ଗତ ୧୨ ଦିନ ମଧ୍ୟରେ ମୋଟ ୪ ଜଣଙ୍କ ମୃତ୍ୟୁ ହୋଇସାରିଛି । ଆଉ ଏବେ ରବିବାର ରାତିରେ ଆଉ ଜଣଙ୍କ ମୃତ୍ୟୁ ହୋଇଛି । ଅଜଣା ରୋଗରେ ମୃତ୍ୟୁ ସଂଖ୍ୟା ୫ରେ ପହଞ୍ଚିଛି । ଅଜଣା ରୋଗ ନେଇ ଗାଁରେ ଏବେ ଭୟର ବାତାବରଣ ସୃଷ୍ଟି ହୋଇଛି ।
