ନୂଆଦିଲ୍ଲୀ୦୨/୦୫ : ପହଲଗାମ ଆତଙ୍କୀ ହମ୍ଲା ପୂରା ଦେଶକୁ କରିବ ଥରହର। ପାକିସ୍ତାନକୁ ସାରା ବିଶ୍ୱ ନିନ୍ଦା କରୁଥିବା ବେଳେ ଆକ୍ସନ ମୋଡକୁ ଆସିଛି ଭାରତ। ଯୁଦ୍ଧ ଆରମ୍ଭ ହେଲେ ପାକିସ୍ତାନ ଉପରେ ଭାରି ପଡ଼ିବ ଭାରତର ପାଞ୍ଚ ଅମୋଘ ଅସ୍ତ୍ର। ମାତ୍ର କିଛି ସେକେଣ୍ଡ କିମ୍ବା ମିନିଟ୍ ମଧ୍ୟରେ ଲାହୋର, ଇସଲାମାବାଦ ଏବଂ କରାଚୀ ଭଳି ପାକିସ୍ତାନୀ ସହରକୁ ଟାର୍ଗେଟ କରିପାରିବ। ଏହି କ୍ଷେପଣାସ୍ତ୍ରଗୁଡ଼ିକ ସେମାନଙ୍କର ହାଇପରସୋନିକ୍ ଗତି, MIRV ପ୍ରଯୁକ୍ତିବିଦ୍ୟା ଯୋଗୁଁ ପାକିସ୍ତାନର ପ୍ରତିରକ୍ଷା ପ୍ରଣାଳୀ ପାଇଁ ବିପଦ ସୃଷ୍ଟି କରିବ। ଭାରତ ଏହାର ପ୍ରତିରକ୍ଷା କ୍ଷମତାକୁ ସୁଦୃଢ଼ କରିବା ପାଇଁ ଅନେକ ଉନ୍ନତ କ୍ଷେପଣାସ୍ତ୍ର ପ୍ରଣାଳୀ ବିକଶିତ କରିଛି। ଏହା ପଡ଼ୋଶୀ ଦେଶଗୁଡ଼ିକ, ବିଶେଷକରି ପାକିସ୍ତାନ ପାଇଁ ସୃଷ୍ଟି ହେବ ଏକ ବଡ଼ ବିପଦ। ଏହି ରିପୋର୍ଟରେ ଆସନ୍ତୁ ଜାଣିବା କ୍ଷେପଣାସ୍ତ୍ର ତାର ବୈଶିଷ୍ଟ୍ୟ, ପରିସର, ଗତି ଏବଂ ପ୍ରଭାବ ବିଷୟରେ ।
୧. ବ୍ରହ୍ମୋସ୍ ସୁପରସୋନିକ୍ କ୍ରୁଜ୍ କ୍ଷେପଣାସ୍ତ୍ର। ଏହାର ପରିସର 290-700 କିମି । ଏହାର ବେଗ ରହିଛି ମାକ୍ 3.0 ଯାହା ଶବ୍ଦର ବେଗ ଅପେକ୍ଷା ତିନିଗୁଣ ଦ୍ରୁତ। ଓଜନ 3000 କିଲୋଗ୍ରାମ।ବ୍ରହ୍ମୋସ୍ ରାଡାରରୁ ରକ୍ଷା ପାଇବାକୁ ୩ରୁ୪ ମିଟର ଉଚ୍ଚତାରେ ଉଡି ପାରିବ। ଆଉ ଉଡ଼ାଣ ମଧ୍ୟରେ ଦିଗ ପରିବର୍ତ୍ତନର କ୍ଷମତା ମଧ୍ୟ ରଖିଛି। ସେମିତି ଦେଖିବାକୁ ଗଲେ ଅମୃତସରରୁ ଲାହୋରର ଦୂରତା ମାତ୍ର 55 କିଲୋମିଟର। ବ୍ରହ୍ମୋସର ଗତିକୁ ବିଚାରକୁ ନେଲେ, ଏହି କ୍ଷେପଣାସ୍ତ୍ର ୭୨ ସେକେଣ୍ଡରୁ କମ୍ ସମୟ ମଧ୍ୟରେ ଲାହୋରକୁ ଟାର୍ଗେଟ କରିପାରିବ। ଅମୃତସରରୁ ଇସଲାମାବାଦର ଦୂରତା ପ୍ରାୟ ୨୮୭ କିଲୋମିଟର। ବ୍ରହ୍ମୋସ ଏହାକୁ 5 ମିନିଟରୁ କମ୍ ସମୟ ମଧ୍ୟରେ ଧ୍ୱଂସ କରିପାରିବ। ଭାରତ ଏବଂ ରୁଷ ଦ୍ୱାରା ମିଳିତ ଭାବରେ ବିକଶିତ ବ୍ରହ୍ମୋସକୁ ବିଶ୍ୱର ଦ୍ରୁତତମ କ୍ରୁଜ୍ କ୍ଷେପଣାସ୍ତ୍ର ମଧ୍ୟରୁ ଗୋଟିଏ ବୋଲି ବିବେଚନା କରାଯାଏ।
୨. ଶୌର୍ଯ୍ୟ କ୍ଷେପଣାସ୍ତ୍ର- ଏହାର ପରିସର ୭୦୦-୧୯୦୦ କିମି। ବେଗ- ମାକ୍ ୭.୫ । ଓଜନ ୬.୨ ଟନ୍। ଏହା ସଠିକ୍ ଲକ୍ଷ୍ୟଭେଦ କରିବାର କ୍ଷମତା ରଖିଛି। ଶୌର୍ଯ୍ୟ କ୍ଷେପଣାସ୍ତ୍ରର ହାଇପରସୋନିକ୍ ଗତି ଯୋଗୁଁ ଏହା 20-30 ସେକେଣ୍ଡ ମଧ୍ୟରେ ଲାହୋରକୁ ଟାର୍ଗେଟ କରିପାରିବ। ଇସଲାମାବାଦର ୧୯୦୦ କିଲୋମିଟର ଏହା ୩-୪ ମିନିଟରେ ଧ୍ୱଂସ କରିପାରିବ। କରାଚୀକୁ ଟାର୍ଗେଟ କରିବାକୁ 4-5 ମିନିଟ୍ ସମୟ ଲାଗିପାରେ। ଶୌର୍ଯ୍ୟ ଏକ କୌଶଳଗତ କ୍ଷେପଣାସ୍ତ୍ର, ଯାହାକୁ ଯୁଦ୍ଧକ୍ଷେତ୍ରରେ ଶୀଘ୍ର ନିୟୋଜିତ କରିବା ପାଇଁ ଡିଜାଇନ୍ କରାଯାଇଛି। ଏହାର ହାଇପରସୋନିକ୍ ଗତି ଏବଂ ମୋବାଇଲ୍ ଲଞ୍ଚର୍ ଏହା PAK ବାୟୁ ପ୍ରତିରକ୍ଷା ପ୍ରଣାଳୀ ପାଇଁ ଏକ ବଡ଼ ବିପଦ ଆଣି ପାରିଥାଏ।
୩. ପ୍ରଳୟ ବାଲିଷ୍ଟିକ୍ କ୍ଷେପଣାସ୍ତ୍ର- ଏହା କୌଶଳଗତ କ୍ଷୁଦ୍ର ଦୂରଗାମୀ ବାଲିଷ୍ଟିକ୍ କ୍ଷେପଣାସ୍ତ୍ର। ଏହାର ପରିସର ୧୫୦-୫୦୦ କିମି। ଏହାର ବେଗ ମାକ୍ 5 ଠାରୁ ଅଧିକ। ପ୍ରଳୟ କ୍ଷେପଣାସ୍ତ୍ର 30-40 ସେକେଣ୍ଡ ମଧ୍ୟରେ ଲାହୋରକୁ ଟାର୍ଗେଟ କରିପାରିବ। ଇସଲାମାବାଦକୁ ଧ୍ୱଂସ କରିବାକୁ ୨-୩ ମିନିଟ୍ ସମୟ ଲାଗିପାରେ। କରାଚୀକୁ ଟାର୍ଗେଟ କରିବାକୁ 3-4 ମିନିଟ୍ ସମୟ ଲାଗିବ। ପ୍ରଳୟ କ୍ଷେପଣାସ୍ତ୍ରକୁ ଭାରତ-ପାକିସ୍ତାନ ସୀମା (LoC) ଏବଂ ଭାରତ-ଚୀନ୍ ସୀମା (LAC)ରେ ନିୟୋଜିତ କରିବା ପାଇଁ ସ୍ୱତନ୍ତ୍ର ଭାବରେ ବିକଶିତ କରାଯାଇଛି। ଏହି କ୍ଷେପଣାସ୍ତ୍ର ଏହାର ହାଇପରସୋନିକ୍ ଗତି ଏବଂ MIRV ପ୍ରଯୁକ୍ତିବିଦ୍ୟା ଯୋଗୁଁ ଏକକାଳୀନ ଅନେକ ସହରକୁ ଧ୍ୱଂସ କରିପାରିବ। ଯାହା ପାକିସ୍ତାନ ପାଇଁ ଏକ ବଡ଼ ବିପଦ ।
୪. ଅଗ୍ନି-୫ ବାଲିଷ୍ଟିକ୍ କ୍ଷେପଣାସ୍ତ୍ର- ଏହା ଆନ୍ତଃମହାଦେଶୀୟ ବାଲିଷ୍ଟିକ୍ କ୍ଷେପଣାସ୍ତ୍ର। ଏହାର ପରିସର 5500-8000 କିମି। ଏହାର ବେଗ ମାକ୍ ୨୪ । ଓଜନ ପ୍ରାୟ ୫୦-୫୬ ଟନ୍। ଏହାର MIRV ପ୍ରଯୁକ୍ତିବିଦ୍ୟା, ପରମାଣୁ ଅସ୍ତ୍ର ବହନ କରିବାର କ୍ଷମତା ଏବଂ ସଠିକ୍ ଲକ୍ଷ୍ୟଭେଦ କରିବ। ଲାହୋର, ଇସଲାମାବାଦ, କରାଚୀରେ ଅଗ୍ନି-୫ର ପରିସର ଏବଂ ଗତିକୁ ଦେଖିଲେ, ଏହା ପାକିସ୍ତାନର ଯେକୌଣସି ସହରକୁ ୨-୩ ମିନିଟରେ ଧ୍ୱଂସ କରିପାରେ। ଏହାର MIRV ପ୍ରଯୁକ୍ତିବିଦ୍ୟା ଗୋଟିଏ କ୍ଷେପଣାସ୍ତ୍ର ସାହାଯ୍ୟରେ ଏକକାଳୀନ ଅନେକ ସହରକୁ ଟାର୍ଗେଟ କରିପାରିବ। ଅଗ୍ନି-୫ ଭାରତର ସବୁଠାରୁ ଉନ୍ନତ କ୍ଷେପଣାସ୍ତ୍ର ମଧ୍ୟରୁ ଗୋଟିଏ। ଯାହା କେବଳ ପାକିସ୍ତାନକୁ ନୁହେଁ ବରଂ ବେଜିଂ ଏବଂ ସାଂଘାଇ ଭଳି ଚୀନର ବଡ଼ ସହରକୁ ମଧ୍ୟ ଟାର୍ଗେଟ କରିପାରିବ। ଏହାର ପାରିପାର୍ଶ୍ଵିକ ସୀମା ଏବଂ ପରମାଣୁ କ୍ଷମତା ଏହାକୁ ଏକ ରଣନୈତିକ ଅସ୍ତ୍ର କରିଥାଏ।
୫. ହାଇପରସୋନିକ୍ କ୍ଷେପଣାସ୍ତ୍ର- ଏହାର ପରିସର ୧୦୦୦+ କିମି। ବେଗ- ମାକ୍ 5 ରୁ ଅଧିକ। କିଛିସେକେଣ୍ଡ ମଧ୍ୟରେ ପାକିସ୍ତାନୀ ସହରଗୁଡ଼ିକୁ ଟାର୍ଗେଟ କରିପାରିବ। ଲାହୋରକୁ 20-30 ସେକେଣ୍ଡ, ଇସଲାମାବାଦକୁ ପାଇଁ ୨ରୁ ୩ ମିନିଟ, କରାଚୀକୁ 3 ରୁ 4 ମିନିଟରେ ଟାର୍ଗେଟ୍ କରିପାରିବ। ଭାରତ ହାଇପରସୋନିକ୍ କ୍ଷେପଣାସ୍ତ୍ରର ସଫଳ ପରୀକ୍ଷଣ କରିଛି, ଯାହା ଶବ୍ଦର ବେଗ ଅପେକ୍ଷା ପାଞ୍ଚ ଗୁଣ ଅଧିକ ଦ୍ରୁତ। ଏହି ପ୍ରଯୁକ୍ତିବିଦ୍ୟା ବିଶ୍ୱର କେବଳ କିଛି ଦେଶ ପାଖରେ ଅଛି। ଏହି କ୍ଷେପଣାସ୍ତ୍ର ଭବିଷ୍ୟତରେ ଭାରତର ପ୍ରତିରକ୍ଷା କ୍ଷମତାକୁ ଆହୁରି ସୁଦୃଢ଼ କରିବ।
