ମୁମ୍ବାଇ ୦୮।୦୮: ପୂର୍ବତନ ଅଷ୍ଟ୍ରେଲିଆ କ୍ରିକେଟରଙ୍କ ଭବିଷ୍ୟବାଣୀ । ଏହି ଚାରୋଟି ଦଳ ଦିନିକିଆ ବିଶ୍ୱକପ୍ ୨୦୨୩ର ସେମିଫାଇନାଲରେ କରିବେ ଏଣ୍ଟ୍ରି । ବର୍ତ୍ତମାନ ସ୍ଥିତିରେ ଏହି ଚାରୋଟି ଦଳ ଖୁବ୍ ଶକ୍ତିଶାଳୀ ଅଛନ୍ତି । ତେଣୁ ଆଗାମୀ ଦିନିକିଆ ବିଶ୍ୱକପ୍ରେ ଏହି ଚାରୋଟି ଦଳଙ୍କ ଦମ୍ଦାର ପ୍ରଦର୍ଶନ ଦେଖିବାକୁ ମିଳିବ ବୋଲି କହିଛନ୍ତି ଅଷ୍ଟ୍ରେଲିଆର ପୂର୍ବତନ ଦ୍ରୁତ ବୋଲର ଗ୍ଲେନ୍ ମାଗରାଥ୍ ।
ସେ କହିଛନ୍ତି ଯେ, ଦିନିକିଆ ବିଶ୍ୱକପ୍କୁ ଆଉ କେଇଟା ମାସ ବାକି ରହିଛି । ଏହିକ୍ରମରେ ସବୁ ଦଳ ନିଜର ଅଭ୍ୟାସକୁ ଜୋରଦାର ଜାରି ରଖିଛନ୍ତି । ଆଗାମୀ ବିଶ୍ୱକପ୍ ଲାଗି ଅଷ୍ଟ୍ରେଲିଆ ପ୍ରଥମ ଦଳ ଭାବେ ୧୮ଜଣିଆ ଟିମ୍ ଘୋଷଣା କରିଛି । ଆଉ କିଛି ଦିନ ମଧ୍ୟ ବାକି ଟିମ୍ ମଧ୍ୟ ଘୋଷଣା କରିବେ । ତେବେ ଚଳିତ ବିଶ୍ୱକପ୍ ପୂର୍ବରୁ ବିଶ୍ୱର ଚାରୋଟି ଟିମ୍ ସେମିଫାଇନାଲରେ ପ୍ରବେଶ କରିବାର ଆଶା ଢେର୍ ଅଧିକା ରହିଛି । କାହିଁକି ନା ଏହି ଚାରୋଟି ଦଳ ଦିନିକିଆ ଫର୍ମାଟରେ ବେଶ୍ ଶକ୍ତିଶାଳୀ ଓ ଦୃଢ । କୌଣସି ବି ପରିସ୍ଥିତିରେ ଏହି ଦଳ ସବୁ ବିରୋଧୀ ଟିମ୍କୁ ଚକ୍ମା ଦେଇପାରନ୍ତି । ଘରୋଇ ହେଉ କି ବିଦେଶୀ ପିଚ୍, ସବୁଠୁ ଏହି ଦଳ ବିରୋଧୀଙ୍କ ଚିତ୍ପଟାଙ୍ଗ କରିବାରେ ମାହିର । ତେବେ ଏହି ଚାରୋଟି ଦଳ ହେଉଛନ୍ତି, ଭାରତ, ଅଷ୍ଟ୍ରେଲିଆ, ଇଂଲଣ୍ଡ, ପାକିସ୍ତାନ ।
ସେହିପରି ଗୋଟିଏ ପଟେ ପୁରା ବିଶ୍ୱକପ ଭାରତରେ ଖେଳାଯିବାର ଅଛି । ଯାହାର ଫାଇଦା ଭାରତ ଉଠାଇପାରେ। ଟିମ୍ ମଧ୍ୟ ଖୁବ୍ ଶକ୍ତିଶାଳୀ । ଏହାପରେ ଆସୁଛି ପାକିସ୍ତାନ । ଭାରତର ଏହି ପଡୋଶୀ ଦେଶକୁ ପରିବେଶ ଘରୋଇ ପରି ଅନୁଭବ ଲାଗିବ । ଏହାବାଦ୍ ଅଷ୍ଟ୍ରେଲିଆ ଓ ଇଂଲଣ୍ଡ । ଉଭୟ ଦଳ ଏବେ ଆକ୍ରାମକ କ୍ରିକେଟ୍ ଖେଳୁଛନ୍ତି ।
ସୂଚନାଯୋଗ୍ୟ ଯେ, ଦିନିକିଆ ବିଶ୍ୱକପ୍ ୨୦୨୩ର ଆରମ୍ଭ ଅକ୍ଟୋବର ୫ରୁ ଆରମ୍ଭ ହେବ । ପ୍ରଥମ ମ୍ୟାଚ୍ ଡିଫେଣ୍ଡିଂ ଚମ୍ପିଆନ୍ ଇଂଲଣ୍ଡ ଏବ ରନସ୍ଅପ୍ ନ୍ୟୁଜିଲାଣ୍ଡ ମଧ୍ୟରେ ଖେଳାଯିବ । ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ବିଶ୍ୱକପ୍ର ପ୍ରଥମ ମ୍ୟାଚ୍ ଖେଳାଯିବ । ଭାରତୀୟ ଟିମ୍ ନିଜର ପ୍ରଥମ ମ୍ୟାଚ୍ ଅକ୍ଟୋବର ୮ରେ ଖେଳିବ । ଚେନ୍ନାଇର ଚେପକ୍ ଷ୍ଟାଡିୟମରେ ଅଷ୍ଟ୍ରେଲିଆକୁ ଭେଟିବ ଟିମ୍ ଇଣ୍ଡିଆ । ଏହାପରେ ଭାରତ ଓ ପାକିସ୍ତାନ ମଧ୍ୟରେ ଅକ୍ଟୋବର ୧୫ରେ ଖେଳାଯିବ ମ୍ୟାଚ୍ ।
ଅହମ୍ମଦାବାଦ୍ର ନରେନ୍ଦ୍ର ମୋଦି କ୍ରିକେଟ୍ ଷ୍ଟାଡିୟମ୍ରେ ଖେଳାଯିବ ଏହି ହାଇଭୋଲଟେଜ୍ ମ୍ୟାଚ୍ । ଏହାପରେ ନଭେମ୍ବର ୧୫ ଏବଂ ୧୬ରେ ଦୁଇଟି ସେମିଫାଇନାଲ ମୁକାବିଲା ଖେଳାଯିବ । ଶେଷରେ ନଭେମ୍ବର ୧୯ରେ ଖେଳାଯିବ ଫାଇନାଲ ମୁକାବିଲ । ତାହା ବି ଅହମ୍ମଦାବାଦର ନରେନ୍ଦ୍ର ମୋଦି କ୍ରିକେଟ୍ ଷ୍ଟାଡିୟମରେ । ଭାରତରେ ମୋଟ ୯ଟି ଭେନ୍ୟୁ ସ୍ଥିର ହୋଇଛି । ଯେଉଁଠାରେ ସମସ୍ତ ଲିଗ୍, ସେମିଫାଇନାଲ ଏବଂ ଫାଇନାଲ ମୁକାବିଲା ଖେଳାଯିବ । ଏହି ସବୁ ଷ୍ଟାଡିୟମ ମଧ୍ୟରେ ଅହମ୍ମଦାବାଦ, ମୁମ୍ବାଇ, ଚେନ୍ନାଇ, ବେଙ୍ଗାଲୁରୁ, ଦିଲ୍ଲୀ, ହାଇଦ୍ରାବାଦ୍, ଧର୍ମଶାଳା, ଲକ୍ଷ୍ନୌ, ପୁନେ, କୋଲକାତା ରହିଛି ।
wp:embed {"url":"https://www.prameyanews7.com/justice-talapatra-taka-oath-as-chief-justice/","type":"wp-embed","providerNameSlug":"prameya-news-7"}
