ନୂଆଦିଲ୍ଲୀ ୨୪/୦୩: ୨୪ ମାର୍ଚ୍ଚ ୨୦୨୦ । ସାରା ଦେଶରେ ଲାଗିଥିଲା ଲକ୍ଡାଉନ୍ । ଇତିହାସ ହୋଇ ରହିଗଲା ସେହି ଐତିହାସକ ସ୍ମରଣୀୟ ଦିନ । ଇତିହାସରେ ୨୪ ମାର୍ଚ୍ଚ ଦିନଟି ଅନେକ ଗୁରୁତ୍ୱପୂର୍ଣ୍ଣ ଘଟଣା ପାଇଁ ମନେ ରହିବ। ତଥାପି, ଏହାକୁ ଭାରତରେ ଏକ କଳା ଦିନ ଭାବରେ ମନେ ରଖାଯିବ । କାରଣ ୨୦୨୦ ମସିହାରେ ଏହି ଦିନରେ ଲକଡାଉନ୍ ଘୋଷଣା କରାଯାଇଥିଲା। ୫୦୦ ରୁ ଅଧିକ କରୋନା ମାମଲା ରିପୋର୍ଟ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହା ଘୋଷଣା କରିଥିଲେ।
ପାଞ୍ଚ ବର୍ଷ ପୂର୍ବେ ଏହି ଦିନ, ଦେଶର ରାସ୍ତାଗୁଡ଼ିକରେ ନୀରବତା ଥିଲା। ଏହା ଭାରତର ଇତିହାସରେ ପ୍ରଥମ ଥର ଥିଲା, ଯେତେବେଳେ ଉତ୍ତରରୁ ଦକ୍ଷିଣ ଏବଂ ପୂର୍ବରୁ ପଶ୍ଚିମ ପର୍ଯ୍ୟନ୍ତ ଦେଶରେ ଦେଖାଦେଇଥିଲା ନୀରବତାର ଝଡ । ଏହା ଥିଲା ସାର୍ବଜନୀନ, କାରଣ ପ୍ରଥମ ପର୍ଯ୍ୟାୟରେ ଲାଗୁ ହୋଇଥିଲା ୨୧ ଦିନିଆ ଲକ୍ଡାଉନ୍ । ଲୋକଙ୍କ ଘରୁ ବାହାରିବାକୁ ମନା କରାଯାଇଥିଲା । ଜରୁରୀ କାମର ଗଲେ ସାମାଜିକ ଦୂରତା ବଜାୟ ରଖିବାକୁ କଡାକଡି ନିର୍ଦ୍ଦେଶ ଥିଲା । ଏମିତିକି ସରକାରୀ, ବେସକାରୀ କାର୍ଯ୍ୟାଳୟ ବି ଯିବାକୁ ମନା କରାଯାଇଥିଲା ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଡାକରାରେ, ଦେଶର ଲୋକମାନେ ସ୍ୱେଚ୍ଛାକୃତ ଭାବରେ ଘରେ ରହିବାକୁ ନିଷ୍ପତ୍ତି ନେଇଥିଲେ । ଲୋକଙ୍କ ବାହାରକୁ ଯିବା ଉପରେ କୌଣସି କଟକଣା ନଥିଲା କିନ୍ତୁ ଏହା ସତ୍ତ୍ୱେ, ସାରା ଦେଶର ଲୋକମାନେ ସର୍ବସମ୍ମତିକ୍ରମେ ଘରୁ ବାହାରକୁ ନଯିବାକୁ ନିଷ୍ପତ୍ତି ନେଇଥିଲେ। କରୋନା ମହାମାରୀ ବୃଦ୍ଧି ପାଉଥିବା ପ୍ରତି ସତର୍କ ରହିବା ପାଇଁ ଏହି ଆହ୍ୱାନ ଦିଆଯାଇଥିଲା।
ରାସ୍ତାଘାଟ ନିର୍ଜନ, ସବୁଠି ଥିଲା ନୀରବତା...ଆଜି ହିଁ, ଦେଶରେ ଲାଗିଥିଲା ଜନତା କର୍ଫ୍ୟୁ
ଏହା ପୂର୍ବରୁ କେନ୍ଦ୍ର ସରକାର ଲୋକଙ୍କୁ କରୋନା ମହାମାରୀ ବିଷୟରେ ଗୁରୁତ୍ୱ ଦେବାକୁ ଚାହୁଁଥିଲେ । ଏହାଠାରୁ ଦୂରେଇ ରହିବା ପାଇଁ ଲୋକମାନେ ସତର୍କତା ଅବଲମ୍ବନ କରିବା ଆରମ୍ଭ କରିବାକୁ ମଧ୍ୟ ଚାହୁଁଥିଲେ । ଏହି ଉଦ୍ଦେଶ୍ୟରେ ଏହି 'ଜନତା କର୍ଫ୍ୟୁ' ଡାକରା ଦିଆଯାଇଥିଲା। ତଥାପି, ପରେ ଏହା ସ୍ପଷ୍ଟ ହୋଇଗଲା ଯେ ଏହି ଜନତା କର୍ଫ୍ୟୁ ପ୍ରକୃତରେ ଲକଡାଉନର ପ୍ରସ୍ତୁତି ପାଇଁ ଏକ ଉପାୟ ଥିଲା।
