ଭୁବନେଶ୍ୱର ୧୯।୦୧ : ଆରପାରିରେ ପୂର୍ବତନ ଡିଏମ୍ଇଟି । ରାଜ୍ୟ ସ୍ୱାସ୍ଥ୍ୟ ବିଭାଗର ପୂର୍ବତନ ଡିଏମ୍ଇଟି ତଥା ମାନସିକ ବିଭାଗର ପୂର୍ବତନ ବରିଷ୍ଠ ଡାକ୍ତର ଗୋପାଳ ଚନ୍ଦ୍ର କରଙ୍କ ପରଲୋକ ହୋଇଛି । କଟକ ତେଲେଙ୍ଗା ବଜାର ସ୍ଥିତ ନିଜସ୍ୱ ବାସଭବନରେ ଗୋପାଳ ଚନ୍ଦ୍ର କରଙ୍କ ପରଲୋକ ହୋଇଥିବା ଜଣାପଡିଛି ।
ରାଜ୍ୟର ଜଣେ ବିଶିଷ୍ଠ ମାନସିକ ବିଭାଗର ଡାକ୍ତର ଭାବେ ଜଣାଶୁଣା ଥିଲେ । ଏହାପରେ ସେ ରାଜ୍ୟ ସ୍ବାସ୍ଥ୍ୟ ବିଭାଗର ଡିଏମଇଟି ଭାବେ ଦାୟିତ୍ଵ ଗ୍ରହଣ କରିଥିଲେ।
ତେବେ ଗତ କିଛି ଦିନ ହେବ ଗୋପାଳ ଚନ୍ଦ୍ର କରଙ୍କ ସ୍ବାସ୍ଥ୍ୟ ଜନିତ ସମସ୍ୟା ରହିଆସିଥିଲା। ମେଡିକାଲରେ ଚିକିତ୍ସା ମଧ୍ୟ ହେଉଥିଲେ ।ହେଲେ ଶେଷରେ ରବିବାର ଦିନ ସକାଳ ସମୟର ଶ୍ରୀଯୁକ୍ତ କରଙ୍କ ହୃଦଘାତରେ ପରଲୋକ ହୋଇଯାଇଛି। ମୃତ୍ୟୁ ଖବର ଶୁଣି ଚାରିଆଡ଼େ ଖେଳିଯାଇଛି ଶୋକର ଛାୟା। ଶେଷ ଦର୍ଶନ ପାଇଁ କଟକ ସ୍ଥିତ ବାସଭବନରେ ଲୋକଙ୍କ ଭିଡ଼ ଦେଖିବାକୁ ମିଳୁଛି ।
