ରାଞ୍ଚି: ଝାଡ଼ଖଣ୍ଡ ଜମି ଘୋଟାଲା ଓ ମନି ଲଣ୍ଡ୍ରିଂ ମାମଲାରେ ହେମନ୍ତ ସୋରେନଙ୍କୁ ଆଶ୍ବସ୍ତି । ଝାଡ଼ଖଣ୍ଡ ହାଇକୋର୍ଟରୁ ପୂର୍ବତନ ମୁଖ୍ୟମନ୍ତ୍ରୀ ତଥା ଜେଏମଏମ ନେତାଙ୍କୁ ମିଳିଲା ଜାମିନ୍ । ପ୍ରାୟ ୬ ମାସ ପରେ ହେମନ୍ତଙ୍କୁ ବେଲ୍ ମିଳିଛି । ଚଳିତ ବର୍ଷ ଜାନୁଆରୀ ୩୧ରେ ଝାଡ଼ଖଣ୍ଡ ପୂର୍ବତନ ମୁଖ୍ୟମନ୍ତ୍ରୀଙ୍କୁ ଜମି ଦୁର୍ନୀତି ଓ ଅର୍ଥ ହେରଫେର୍ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ଗିରଫ କରିଥିଲା ।
ଝାଡ଼ଖଣ୍ଡ ଜମି ଦୁର୍ନୀତି ଓ ଅର୍ଥ ହେରଫେର ମାମଲାରେ ଜଷ୍ଟିସ୍ ରଙ୍ଗନ ମୁଖୋପାଧ୍ୟୟ ଜାମିନ ଆବେଦନର ଶୁଣାଣି କରିଥିଲେ । ତିନି ଦିନ ଉଭୟ ପକ୍ଷର ଯୁକ୍ତି ଶୁଣିବା ପରେ ଜୁନ୍ ୧୩ ତାରିଖରେ ରାୟ ସଂରକ୍ଷିତ ରଖିଥିଲେ ରାଞ୍ଚି ହାଇକୋର୍ଟ । ତେବେ ଶୁକ୍ରବାର ହେମନ୍ତ ସୋରେନଙ୍କ ଜାମିନ୍ ଆବେଦନ ରାୟ ଆସିଛି । ଉଚ୍ଚ ଅଦାଲତଙ୍କୁ ଜାମିନ୍ ପ୍ରଦାନ କରିଛନ୍ତି । ଏବେ ରାଞ୍ଚି ବିର୍ସା ମୁଣ୍ଡା ସେଣ୍ଟ୍ରାଲ୍ ଜେଲରେ ବନ୍ଦ ଅଛନ୍ତି ହେମନ୍ତ । ଇିଡିର ଅଭିଯୋଗ ଅନୁଯାୟୀ, ହେମନ୍ତ ସୋରେନ୍ ରାଞ୍ଚିରେ ୮.୮୬ ଏକର ଜମିକୁ ବେଆଇନ ଭାବେ କବଜା କରିଥିଲେ । ଜମି ଜାଗଜପତ୍ର ଜେଏମଏମ ମୁଖ୍ୟଙ୍କ ନାଁରେ ନଥିଲେ ମଧ୍ୟ କୋଟି କୋଟି ଟଙ୍କାର ଜମି ବେଆଇନ ଭାବେ ତାଙ୍କ ଅଧୀନରେ ରହିଛି ।
