ପାଟଣା ୨୪।୧୧ : ଦୁର୍ଘଟଣାରେ ଓଲଟି ପଡିଲା ଗାଡି।ଦୁର୍ଘଟଣାଗ୍ରସ୍ତ ଭ୍ୟାନରୁ କୁକୁଡା ବୋହିନେଲେ ଲୋକ। କେନ୍ଦୁଝର ଜିଲ୍ଲା ୪୯ ନମ୍ବର ଜାତୀୟ ରାଜପଥ ଚିଲିଦା ନିକଟରେ ଘଟିଛି ଏହି ଦୁର୍ଘଟଣା ।
ଖବର ଅନୁଯାୟୀ, ଏକ କୁକୁଡ଼ା ବୋଝେଇ ପିକ ଅପ ଭ୍ୟାନ ଅନୁଗୁଳରୁ ରାଇରଙ୍ଗପୁରକୁ ଯାଉଥିଲା। ଏହି ସମୟରେ କେନ୍ଦୁଝର ଜିଲ୍ଲା ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥର ଚିଲିଦା ନିକଟରେ ଏକ କୁକୁଡ଼ା ବୋଝେଇ ପିକ୍ ଅପ୍ ଭ୍ୟାନ୍ ଭାରସାମ୍ୟ ହରାଇ ଓଲଟି ପଡ଼ିଛି। ଦୁର୍ଘଟଣା ପରେ ଗାଡି ଭିତରେ ଥିବା କିଛି କୁକୁଡ଼ା ମରି ଯାଇଥିବା ବେଳେ ଅନେକ କୁକୁଡ଼ାଙ୍କୁ ଲୋକେ ବୋହି ନେଇଯାଇଛନ୍ତି। କୁକୁଡ଼ା ଗୁଡିକୁ ଲୋକେ ବାଇକରେ ବୋହି ନେଉଥିବା ଦେଖିବାକୁ ମିଳିଛି। ଘଟଣାସ୍ଥଳରେ ତୁରୁମୁଙ୍ଗା ପୋଲିସ ତଦନ୍ତ କରିଛି।
