ନୂଆଦିଲ୍ଲୀ ୦୭/୦୧: ନିକଟରେ ଅଷ୍ଟ୍ରେଲିଆ ବିପକ୍ଷରେ ଶେଷ ହୋଇଛି ପାଞ୍ଚ ଟିକିଆ ମ୍ୟାଚ୍ ବିଶିଷ୍ଟ ବର୍ଡର ଗାଭାସ୍କର ଟ୍ରଫି । ସିରିଜରେ ଟିମ୍ ଇଣ୍ଡିଆକୁ ୧-୩ରେ ଲଜ୍ଜାଜନକ ପରାଜୟର ସମ୍ମୁଖୀନ ହେବାକୁ ପଡିଛି । ତେବେ ଏହି ପରାଜୟ ବଳରେ ଆଇସିସି ଟେଷ୍ଟ ମାନ୍ୟତାରେ ଭାରତୀୟ ଦଳ ତୃତୀୟ ସ୍ଥାନକୁ ଖସି ଆସିଛି।
୨୦୧୯-୨୧ ଏବଂ ୨୦୨୧-୨୩ ବିଶ୍ୱ ଟେଷ୍ଟ ଚାମ୍ପିୟନଶିପ୍ର ଫାଇନାଲରେ ପ୍ରବେଶ କରିଥିବା ଭାରତୀୟ ଦଳର ୧୦୯ ରେଟିଂ ପଏଣ୍ଟ ରହିଛି । ୨୦୨୩ ଡବ୍ଲୁଟିସି ବିଜେତା ଅଷ୍ଟ୍ରେଲିଆ ୧୨୬ ରେଟିଂ ପଏଣ୍ଟ ସହ ଟେଷ୍ଟ ର଼୍ୟାଙ୍କିଙ୍ଗରେ ଶୀର୍ଷରେ ରହିଛି । ତେବେ ଦକ୍ଷିଣ ଆଫ୍ରିକା ଭାରତକୁ ପଛରେ ପକାଇ ରେସ୍ରେ ଦ୍ୱିତୀୟ ସ୍ଥାନକୁ ଉଠିଛି । ଯିଏକି ଘରୋଇ ମାଟିରେ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ପାକିସ୍ତାନକୁ ହରାଇ ଦେଇଛି। ୧୧୨ ରେଟିଂ ପଏଣ୍ଟ ସହିତ ଆଫ୍ରିକା WTC ୨୦୨୩-୨୫ ପଏଣ୍ଟ ଟେବୁଲରେ ଦ୍ୱିତୀୟରେ ଅଛି ।
ବିଶ୍ୱର ତୃତୀୟ ମାନ୍ୟତାପ୍ରାପ୍ତ ଟେଷ୍ଟ ଦଳ ଭାବେ ଦକ୍ଷିଣ ଆଫ୍ରିକା ପାକିସ୍ତାନ ବିପକ୍ଷରେ ସିରିଜ୍ ଆରମ୍ଭ କରିଥିଲା । କିନ୍ତୁ ଦୁଇଟି ମ୍ୟାଚ୍ରେ ଦୁଇଟି ବିଜୟ ସହ ଟେମ୍ବା ବାଭୁମାଙ୍କ ଦଳ ଭାରତକୁ ପଛରେ ପକାଇ ଦେଇଛି। ତିନିଟି ସିଜନରେ ପ୍ରଥମ ଥର ପାଇଁ WTC ଫାଇନାଲ ପାଇଁ ଯୋଗ୍ୟତା ଅର୍ଜନ କରିବାରେ ଭାରତୀୟ ଦଳ ବିଫଳ ହୋଇଥିଲା।
