ନୂଆଦିଲ୍ଲୀ: ବାଂଲାଦେଶର ଦିନାଜପୁର ଜିଲ୍ଲାରେ ହିନ୍ଦୁ ନେତା ଭାବେଶ ଚନ୍ଦ୍ର ରାୟଙ୍କ ହତ୍ୟା ଉପରେ ଭାରତ ସରକାର କଡ଼ା ପ୍ରତିକ୍ରିୟା ଦେଇଛନ୍ତି । ଭାରତ ସରକାର ଏହି ଘଟଣାକୁ ନିନ୍ଦା କରିବା ସହ ବାଂଲାଦେଶର ଅନ୍ତରୀଣ ସରକାରଙ୍କୁ ସଂଖ୍ୟାଲଘୁଙ୍କ ସୁରକ୍ଷା ଦାୟିତ୍ୱ ସଠିକ୍ ଭାବେ ତୁଲାଇବା ପାଇଁ କହିଛନ୍ତି । ଏହାସହ ବାଂଲାଦେଶ ସରକାର ନିଜ ଦାୟିତ୍ୱରୁ ତୁଲାଇବାରେ କୌଣସି ବାହାନା କରନ୍ତୁ ନାହିଁ ବୋଲି ମଧ୍ୟ କହିଛନ୍ତି ।
ବିଦେଶ ମନ୍ତ୍ରଣାଳୟ ମୁଖ୍ୟପାତ୍ର ରଣଧୀର ଜୟସୱାଲ ଏକ୍ସରେ ଲେଖିଛନ୍ତି, 'ବାଂଲାଦେଶରେ ହିନ୍ଦୁ ସଂଖ୍ୟାଲଘୁ ନେତା ଶ୍ରୀ ଭାବେଶ ଚନ୍ଦ୍ର ରାୟଙ୍କ ଅପହରଣ ଓ କ୍ରୁର ହତ୍ୟାରେ ଆମେ ଦୁଃଖୀ ଅଛୁ । ଏହି ଘଟଣା ବାଂଲାଦେଶରେ ହିନ୍ଦୁ ସଂଖ୍ୟାଲଘୁଙ୍କ ଉପରେ ଲଗାତାର ହେଉଥିବା ଅତ୍ୟାଚାରର ଅଂଶ ପରି ଅନୁଭବ ହେଉଛି, ଅନ୍ୟପଟେ ପୁରୁଣା ମାମଲାର ଦୋଷୀ ଏବେ ବି ଖୁଲମଖୁଲା ବୁଲୁଛନ୍ତି ।'
ରଣଧୀର ଜୟସୱାଲ ଲେଖିଛନ୍ତି, 'ଏହି ନୃଶଂସ ହତ୍ୟାର ନିନ୍ଦା କରୁଛୁ ଓ ବାଂଲାଦେଶର ଅନ୍ତରୀଣ ସରକାରଙ୍କୁ ପୁଣି ଥରେ ମନେ ପକାଇ ଦେଉଛୁ ଯେ ବିନା କୌଣସି ବାହାନା କିମ୍ୱା ଭେଦଭାବରେ ହିନ୍ଦୁଙ୍କ ସମେତ ସବୁ ସଂଖ୍ୟାଲଘୁଙ୍କୁ ସୁରକ୍ଷା ଦେବାର ନିଜ ଦାୟିତ୍ୱ ନିର୍ବାହ କରନ୍ତୁ ।'
We have noted with distress the abduction and brutal killing of Shri Bhabesh Chandra Roy, a Hindu minority leader in Bangladesh.
— Randhir Jaiswal (@MEAIndia) April 19, 2025
This killing follows a pattern of systematic persecution of Hindu minorities under the interim government even as the perpetrators of previous such…
ଦ ଡେଲି ଷ୍ଟାର୍ ରିପୋର୍ଟ ଅନୁସାରେ ଢାକାରୁ ପ୍ରାୟ ୩୩୦ କିଲୋମିଟର ଉତ୍ତର-ପଶ୍ଚିମରେ ଦିନାଜପୁରର ବସୁଦେବପୁର ଗାଁର ଭାବେଶଙ୍କ ମୃତ ଦେହ ଗୁରୁବାର ରାତିରେ ମିଳିଥିଲା । ରାୟଙ୍କ ପତ୍ନୀ ଶାନ୍ତନା କହିଥିଲେ ଯେ ଦୁଇଟି ବାଇକରେ ଚାରି ଜଣ ଦୁର୍ବୃତ୍ତ ଘରକୁ ଆସିଥିଲେ ଓ ଭାବେଶଙ୍କୁ ଅପହରଣ କରି ନେଲେ । ରାୟଙ୍କୁ ନାରାବରୀ ଗାଁକୁ ନିଆଗଲା ଏବଂ ସେଠାରେ ଅତି ନିର୍ମତାର ସହ ମାରପିଟ୍ କରାଗଲା । ଭାବେଶ ରାୟ ବାଂଲାଦେଶରେ ପୂଜା ଅଧ୍ୟାପନ ପରିଷଦର ଉପାଧ୍ୟକ୍ଷ ଓ ଜଣେ ପ୍ରମୁଖ ହିନ୍ଦୁ ନେତା ଥିଲେ ।
