ଚେନ୍ନାଇ ୨୧।୦୯ : ଇତିହାସ ରଚିଲେ ଜଶପ୍ରୀତ୍ ବୁମ୍ରାହ । ଭାରତୀୟ କ୍ରିକେଟ୍ର ୧୦ମ ବୋଲର ଭାବେ କରିଲେ ଏହି ରେକର୍ଡ । ବାଂଲାଦେଶ ବିପକ୍ଷ ମ୍ୟାଚ୍ରେ ଏହି ଖାସ୍ ଉପଲବ୍ଧି ହାସଲ କରିଛନ୍ତି ବୁମ୍..ବୁମ୍.. ବୁମ୍ରାହ ।
ଭାରତ-ବାଂଲାଦେଶ ମଧ୍ୟରେ ଚାଲିଛି ଟେଷ୍ଟ ସିରିଜ୍ ।ଚେନ୍ନାଇର ଚେପକ୍ ଷ୍ଟାଡିୟମ୍ରେ ଖେଳାଯାଉଛି ସିରିଜ୍ରେ ପ୍ରଥମ ମ୍ୟାଚ୍ । ଶୁକ୍ରବାର ମ୍ୟାଚ୍ର ୨ୟ ଦିନ ଖେଳ ଥିଲା । ଏହି ଦିନ ଭାରତୀୟ କ୍ରିକେଟ୍ର ଦ୍ରୁତ ବୋଲର ଜଶପ୍ରୀତ୍ ବୁମ୍ରାହ ଖାସ୍ ରେକର୍ଡ ହାସଲ କରିଛନ୍ତି । ୩୦ ବର୍ଷୀୟ ଏହି ଦ୍ରୁତ ବୋଲର ନିଜ ଆନ୍ତର୍ଜାତୀୟ କ୍ରିକେଟ୍ରେ ୪୦୦ ଓ୍ୱିକେଟ୍ ନେବାର ରେକର୍ଡ କରିଛନ୍ତି । ପ୍ରଥମ ଟେଷ୍ଟର ପ୍ରଥମ ଇନିଂସରେ ବୁମ୍ରାହ ୪ଟି ଓ୍ୱିକେଟ୍ ନେଇଛନ୍ତି । ପୂର୍ବରୁ ୪୦୦ ଓ୍ୱିକେଟ୍ ପୂରଣ କରିବାକୁ ଆଉ ୨ଟି ଶିକାର ବାକି ଥିଲା । ଏବେ ଏହା ପୂର୍ଣ୍ଣ ହୋଇଯାଇଛି ।
ଜଶପ୍ରୀତ୍ ବୁମ୍ରାହ ବର୍ତ୍ତମାନ ସୁଦ୍ଧା ୭୦ଟି ଅନ୍ତର୍ଜାତୀୟ ଟି-୨୦ ମ୍ୟାଚ୍ ଖେଳିଛନ୍ତି । ଯେଉଁଥିରେ ମୋଟ ୮୯ଟି ଓ୍ୱିକେଟ୍ ହାସଲ କରିଛନ୍ତି। ଏହାବ୍ୟତୀତ ୩୬ଟି ଟେଷ୍ଟ ମ୍ୟାଚ୍ ଖେଳି ୧୬୨ଟି ଓ୍ୱିକେଟ୍ ନେଇଛନ୍ତି । ଏହାପରେ ୮୯ଟି ଦିନିକିଆ କ୍ରିକେଟ୍ ମ୍ୟାଚ୍ ଖେଳି ୧୪୯ ଓ୍ୱିକେଟ୍ ହାସଲ କରିଛନ୍ତି । ଯାହାକୁ ମିଶାଇ ଅନ୍ତର୍ଜାତୀୟ କ୍ରିକେଟ୍ରେ ଜଶପ୍ରୀତ୍ ବୁମ୍ରାହ ୪୦୦ ଓ୍ୱିକେଟ୍ ହାସଲ କରିଛନ୍ତି ।
ତେବେ ଅନ୍ତର୍ଜାତୀୟ କ୍ରିକେଟ୍ରୁ ୪୦୦ରୁ ଅଧିକ ଓ୍ୱିକେଟ୍ ନେବାରେ ୧୦ମ ଭାରତୀୟ ବୋଲର ହୋଇଛନ୍ତି ଜଶପ୍ରୀତ୍ ବୁମ୍ରାହ । ହେଲେ ଅନ୍ତର୍ଜାତୀୟ କ୍ରିକେଟ୍ରେ ଭାରତୀୟ ବୋଲର ଭାବେ ଅନୀଲ୍ କୁମ୍ବଲେ ସର୍ବାଧିକ ୯୫୩ଟି ଓ୍ୱିକେଟ୍ ନେଇ ସବୁଠୁ ଆଗରେ ଅଛନ୍ତି ।
ଅନ୍ତର୍ଜାତୀୟ କ୍ରିକେଟ୍ରେ ସବୁଠୁ ଅଧିକ ଓ୍ୱିକେଟ୍ ନେଇଥିବା ଭାରତୀୟ ବୋଲର-
୧. ଅନିଲ୍ କୁମ୍ବଲେ – ୯୫୩ ଓ୍ୱିକେଟ୍
୨. ରବିଚନ୍ଦ୍ରନ ଅଶ୍ୱିନୀ -୭୪୪ ଓ୍ୱିକେଟ୍
୩. ହରଭଜନ ସିଂହ- ୭୦୭ ଓ୍ୱିକେଟ୍
୪. କପିଲ ଦେବ- ୬୮୭ ଓ୍ୱିକେଟ୍
୫.ଜାହିର ଖାନ୍- ୫୯୭ ଓ୍ୱିକେଟ୍
୬.ରବିନ୍ଦ୍ର ଜାଡେଜା- ୫୬୮ ଓ୍ୱିକେଟ୍
୭.ଜଭଗଲ ଶ୍ରୀନାଥ୍- ୫୫୧ ଓ୍ୱିକେଟ୍
୮. ମହମ୍ମଦ ଶାମୀ- ୪୪୮ ଓ୍ୱିକେଟ୍
୯. ଇଶାନ୍ତ ଶର୍ମା- ୪୩୪ ଓ୍ୱିକେଟ୍
୧୦. ଜଶପ୍ରୀତ୍ ବୁମ୍ରାହ- ୪୦୦ ଓ୍ୱିକେଟ୍
IND vs BAN 1st Test Day 2: ଦ୍ୱିତୀୟ ଦିନରେ ବି ଫେଲ୍ ମାରିଲେ ରୋହିତ୍-ବିରାଟ, ଭାରତ ୩୦୮ ରନ୍ରେ ଆଗୁଆ
