ନୂଆଦିଲ୍ଲୀ: ଇଣ୍ଡୋନେସିଆର ଜାଭା ଦ୍ୱୀପରେ ବନ୍ୟା ଏବଂ ଭୂସ୍ଖଳନ ଯୋଗୁଁ ୧୬ ଜଣଙ୍କର ମୃତ୍ୟୁ ହୋଇଛି। ସେହିପରି ୯ ଜଣ ନିଖୋଜ ଅଛନ୍ତି। ମଙ୍ଗଳବାର ସ୍ଥାନୀୟ ଅଧିକାରୀମାନେ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ଉଦ୍ଧାରକାରୀମାନେ ରିଲିଫ୍ ଏବଂ ଉଦ୍ଧାର କାର୍ଯ୍ୟ ସମୟରେ ଜାଭାର ପ୍ରମୁଖ ଦ୍ୱୀପର ପାର୍ବତ୍ୟ ଅଞ୍ଚଳର ଗ୍ରାମଗୁଡ଼ିକରେ ଆକସ୍ମିକ ବନ୍ୟାରେ ଭାସି ଯାଇଥିବା ୧୬ ଜଣଙ୍କ ମୃତଦେହ ଉଦ୍ଧାର କରିଛନ୍ତି। ଏହି ମୃତଦେହଗୁଡ଼ିକ ମାଟି ଓ ପଥର ତଳେ ପୋତି ହୋଇଯାଇଥିଲା ଏହି ଘଟଣାରେ ୯ ଜଣ ନିଖୋଜ ଥିବା ରିପୋର୍ଟ ହୋଇଛି।
ସ୍ଥାନୀୟ ବିପର୍ଯ୍ୟୟ ପରିଚାଳନା ସଂସ୍ଥାର ମୁଖ୍ୟ ବର୍ଗସ୍ କାଟୁରସାରି କହିଛନ୍ତି ଯେ ସୋମବାର ପ୍ରବଳ ବର୍ଷା ଯୋଗୁଁ ନଦୀରେ ବନ୍ୟା ଆସିଛି ଯାହା କେନ୍ଦ୍ରୀୟ ଜାଭା ପ୍ରଦେଶର ପେକାଲୋଙ୍ଗନ୍ ରିଜେନ୍ସିରେ ନଅଟି ଗାଁ ପ୍ରଭାବିତ ହୋଇଛି। ରାତିରେ ଏହି ଘଟଣା ଘଟିଥିବାରୁ ବ୍ୟାପକ ଧନଜୀବନ ନଷ୍ଟ ହୋଇଥିଲା। ଏହି ସମୟ ମଧ୍ୟରେ, ପାର୍ବତ୍ୟ ଅଞ୍ଚଳରୁ ମାଟି ଓ ଏବଂ ପଥର ଅତଡ଼ା ଖସି ପଡ଼ିଥିଲା। ଅନେକ ଗଛ ମଧ୍ୟ ଉପୁଡ଼ି ପଡ଼ିଛି। ସେ କହିଛନ୍ତି ଯେ ଉଦ୍ଧାରକାରୀମାନେ ସର୍ବାଧିକ କ୍ଷତିଗ୍ରସ୍ତ ପେଟୁଙ୍ଗକ୍ରିୟୋନୋ ଗାଁରୁ ମଙ୍ଗଳବାର ସୁଦ୍ଧା ଅତି କମରେ ୧୬ ଜଣଙ୍କ ମୃତଦେହ ଉଦ୍ଧାର କରିଛନ୍ତି। ନିଖୋଜ ଥିବା ଗ୍ରାମବାସୀଙ୍କୁ ଖୋଜା ଚାଲିଛି।
କାତୁରସାରି କହିଛନ୍ତି ଯେ ୧୦ ଜଣ ରକ୍ଷା ପାଇଯାଇଛନ୍ତି। ସେମାନଙ୍କୁ ନିକଟସ୍ଥ ଡାକ୍ତରଖାନାକୁ ନିଆଯାଇଥିଲା। ଅକ୍ଟୋବରରୁ ମାର୍ଚ୍ଚ ପର୍ଯ୍ୟନ୍ତ ଲଗାଣ ବର୍ଷା ପ୍ରାୟତଃ ଇଣ୍ଡୋନେସିଆରେ ବନ୍ୟା ଏବଂ ଭୂସ୍ଖଳନର କାରଣ ହୁଏ। ଇଣ୍ଡୋନେସିଆର ଏହି ଦ୍ୱୀପପୁଞ୍ଜରେ ଲକ୍ଷ ଲକ୍ଷ ଲୋକ ପର୍ବତ କିମ୍ବା ବନ୍ୟାପ୍ରବଣ ଅଞ୍ଚଳ ନିକଟରେ ବାସ କରୁଛନ୍ତି।
