ଭୁବନେଶ୍ବର ୩୦।୧: ଖୁବ୍ଶୀଘ୍ର ହେବ ରାଜ୍ୟ ବିଜେପି ସଭାପତିଙ୍କ ନାମ ଘୋଷଣା । ଏଭଳି ତଥ୍ୟ ଦେଇଛନ୍ତି ବିଜେପି ରାଜ୍ୟ ନିର୍ବାଚନ ସହ ପ୍ରଭାରୀ ଲତା ଉସେଣ୍ଡି । ସେ ଆହୁରି ମଧ୍ୟ କହିଛନ୍ତି, ସଂଗଠନ ପର୍ବ ଚାଲିଛି ଏବଂ ରାଜ୍ୟ ଗୁଡିକରେ ସଭାପତି ନିର୍ବାଚନ ଏହାର ଏକ ଅଂଶ । ଓଡ଼ିଶାରେ ବୁଥ୍ କମିଟିଠୁ ଆରମ୍ଭ କରି ସମସ୍ତ ନିର୍ବାଚନ ସରିଛି । ପ୍ରଦେଶ ସଭାପତି ଖୁବ୍ଶୀଘ୍ର ହେବେ ବୋଲି ଲତା ଉସେଣ୍ଡି କହିଛନ୍ତି ।
ସେପଟେ, ଫେବୃଆରୀ ପ୍ରଥମ ସପ୍ତାହ ସୁଦ୍ଧା ବିଜେପି ରାଜ୍ୟ ସଭାପତିଙ୍କ ନାଁ ଘୋଷଣା ହେବ । ଖୁବ୍ଶୀଘ୍ର ରାଜ୍ୟର ନିର୍ବାଚନ ପ୍ରକ୍ରିୟା ସରିବା ବୋଲି କନ୍ଧମାଳ ସାଂସଦ ତଥା ରାଜ୍ୟ ନିର୍ବାଚନ ସହ ପ୍ରଭାରୀ ସୁକାନ୍ତ ପାଣିଗ୍ରାହୀ କହିଛନ୍ତି ।
ସେ ଆହୁରି ମଧ୍ୟ କହିଛନ୍ତି, ପୁଣି ଓଡ଼ିଶା ଆସିବେ ରାଜ୍ୟ ନିର୍ବାଚନ ଅଧିକାରୀ ସଞ୍ଜୟ ଜୈଶ୍ବାଲ । ରାଜ୍ୟ ନିର୍ବାଚନ ଅଧିକାରୀ ଓଡ଼ିଶା ଆସି ଆଲୋଚନା କରି ଯାଇଛନ୍ତି । ପୁଣି ଓଡ଼ିଶା ଆସିବେ । ଖୁବ୍ ଶୀଘ୍ର ବାକି ୧୪ ଜିଲ୍ଲାର ସଭାପତିଙ୍କ ନାଁ ଘୋଷଣା ହେବା ସହିତ ରାଜ୍ୟ ସଭାପତିଙ୍କ ନାଁ ମଧ୍ୟ ଘୋଷଣା ହେବ ବୋଲି ସୁକାନ୍ତ ପାଣିଗ୍ରାହୀ କହିଛନ୍ତି ।
You Can Read:
ନନ୍ଦନକାନନ ପ୍ରାଣୀ ଉଦ୍ୟାନ ପାଇଁ ଖୁସି ଖବର, ପ୍ରଥମ ଥର ମା’ ହେଲା ସିମ୍ପାଞ୍ଜି 'ଦୁର୍ଗା'
