ନୂଆଦିଲ୍ଲୀ: କେନ୍ଦ୍ର ସରକାର ବିଭିନ୍ନ ରାଜ୍ୟରେ ଥିବା ବାଘଙ୍କ ସଂଖ୍ୟା ଜାରି କରିଛନ୍ତି । ମଧ୍ୟ ପ୍ରଦେଶ ୭୮୫ ବାଘଙ୍କ ସହ ପ୍ରଥମ ସ୍ଥାନରେ ରହିଛି । ଲାଗାତାର ଦ୍ୱିତୀୟ ଥର ପାଇଁ ମଧ୍ୟ ପ୍ରଦେଶ ନିଜର ଟାଇଗର ଷ୍ଟେଟ୍ ମାନ୍ୟତାକୁ ବଜାୟ ରଖିଛି । ଦ୍ୱିତୀୟ ସ୍ଥାନରେ କର୍ଣ୍ଣାଟକ ରହିଛି, ଏଠାରେ ୫୬୩ ବାଘ ଅଛନ୍ତି । ଉତ୍ତରାଖଣ୍ଡରେ ୫୬୦ ଏବଂ ମହାରାଷ୍ଟ୍ରରେ ୪୪୪ ବାଘ ଅଛନ୍ତି ।

ପଢନ୍ତୁ: ଦେଶର ବ୍ୟାଘ୍ର ଅଭୟାରଣ୍ୟମାନଙ୍କରେ ବାଘଙ୍କ ଲାଗି ରହିଛି ବିପଦ, WCCB ଜାରି କଲେ ରେଡ ଆଲର୍ଟ

ଉତ୍ତରାଖଣ୍ଡର ଜିମ୍ କାର୍ବେଟ୍ ଟାଇଗର ରିଜର୍ଭରେ ବିଶ୍ୱ ବାଘ ଦିବସ ଆୟୋଜନ କରାଯାଇଥିଲା । ଏହି ଅବସରରେ କେନ୍ଦ୍ର ଜଙ୍ଗଲ ରାଷ୍ଟ୍ରମନ୍ତ୍ରୀ ଅଶ୍ୱିନୀ କୁମାର ଚୌବେ ବିସ୍ତୃତ ରିପୋର୍ଟ ଜାରି କରିଛନ୍ତି । ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ଧାମୀଙ୍କ ସହ କେନ୍ଦ୍ର ପର୍ଯ୍ୟଟନ ରାଷ୍ଟ୍ରମନ୍ତ୍ରୀ ଅଜୟ ଭଟ୍ଟ ମଧ୍ୟ ଉପସ୍ଥିତ ରହିଥିଲେ । କେନ୍ଦ୍ର ଜଙ୍ଗଲ ମନ୍ତ୍ରୀ ଭୁପେନ୍ଦ୍ର ଯାଦବ ମଧ୍ୟ ଟ୍ୱିଟ୍ କରି ମଧ୍ୟ ପ୍ରଦେଶକୁ ଶୁଭେଚ୍ଛା ଜଣାଇଛନ୍ତି । ସେ ଲେଖିଛନ୍ତି, 'ମଧ୍ୟ ପ୍ରଦେଶକୁ ଶୁଭେଚ୍ଛା' । ସଦ୍ୟ ବାଘ ଗଣନା ଡାଟାରେ ୭୮୫ ବାଘ ସହ ମଧ୍ୟ ପ୍ରଦେଶ ସବୁଠୁ ଅଧିକ ବାଘ ଥିବା ରାଜ୍ୟ ହୋଇଛି । ଏହା ମଧ୍ୟ ପ୍ରଦେଶର ବାଘ ସଂରକ୍ଷଣ ପାଇଁ ପ୍ରତିବଦ୍ଧତାକୁ ଦର୍ଶାଉଛି । ସ୍ଥାନୀୟ ସମୁଦାୟର ସହଭାଗିତାର ସହ ସଂରକ୍ଷଣ ଏବଂ ନିରୀକ୍ଷଣରୁ ଏହା ସମ୍ଭବ ହୋଇପାରିଛି ।

wp:html

Congratulations, Madhya Pradesh!

With 785 tigers as per the latest tiger estimation exercise, MP is the Leading Tiger State of India!

This reflect MP’s commitment to conserving tigers through intensive protection and monitoring by involving local communities.#TigersInMP pic.twitter.com/DGYtSMjoGe

— Bhupender Yadav (@byadavbjp) July 29, 2023

/wp:html

୨୦୨୩ ଏପ୍ରିଲ ୯ରେ ପ୍ରୋଜେକ୍ଟ ଟାଇଗରର ୫୦ ବର୍ଷ ପୂର୍ତ୍ତି ଅବସରରେ ମହୀଶୁରରେ ପ୍ରଧାନମନ୍ତ୍ରୀ ମୋଦୀ ଦେଶରେ ଅତି କମରେ ୩୧୬୭ ବାଘ ଥିବା ନେଇ ଘୋଷଣା କରିଥିଲେ । ସେହି ସମୟରେ ଏହି ଡାଟା କେବଳ କ୍ୟାମେରା ଟ୍ରାପଡ୍ ଅଞ୍ଚଳରୁ ଆସିଥିଲା । ୱାଇଲ୍ଡଲାଇଫ୍ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆ କ୍ୟାମେରା ଟ୍ରାପଡ୍ ସହ ନନ-କ୍ୟାମେରା ଟ୍ରାପଡ ଅଞ୍ଚଳର ଡାଟାର ବିଶ୍ଲେଷଣ କରିଛି । ଏହା ଅନୁସାରେ ଦାବି କରାଯାଇଛି ଯେ ସର୍ବାଧିକ ୩୯୨୫ ବାଘ ଅଛନ୍ତି । ଏହି ଆଧାରରେ ହାରାହାରି ୩୬୮୨ ବାଘ ଥିବା ଦାବି କରାଯାଉଛି । ଏହା ପ୍ରତିବର୍ଷ ୬.୧ ପ୍ରତିଶତ ହାରରେ ବଢୁଥିବା ଦର୍ଶାଉଛି । ସିୱାଲିକ ହିଲ୍ସ ଏବଂ ଗଙ୍ଗା ବେସିନରେ ବାଘଙ୍କ ସଂଖ୍ୟାରେ ବୃଦ୍ଧି ହୋଇଛି । ତେବେ ପଶ୍ଚିମ ଘାଟରେ କିଛି ଅଞ୍ଚଳରେ ବାଘଙ୍କ ସଂଖ୍ୟାରେ ହ୍ରାସ ଘଟିଛି ।

Also Read: ବାଘଙ୍କୁ ସୁରକ୍ଷା ଦେଇ ବିଶ୍ୱ ଉପରେ ଉପକାର କରୁଛି ଭାରତ: ରିପୋର୍ଟ