ନୂଆଦିଲ୍ଲୀ ୦୩।୦୧: ବଲିଉଡ୍ର ବାଦଶାହା । ଫିଲ୍ମ ଇଣ୍ଡଷ୍ଟ୍ରିରେ ୩ଦଶନ୍ଧି କରିସାରିଲେଣି ପାର୍ । ଏହି ସମୟ ମଧ୍ୟରେ ଅନେକ ଫିଲ୍ମ କରିସାରିଲେଣି କିଙ୍ଗଖାନ୍ । ସେ ଅନେକ ବିଜ୍ଞାପନର ମଧ୍ୟ ଅଂଶ ରହିସାରିଛନ୍ତି । ଶାହାରୁଖ ଖାନ୍ କିଛି ନା କିଛି କାରଣରୁ ସବୁବେଳେ ରହିଥାନ୍ତି ଚର୍ଚ୍ଚାରେ । କେତେବେଳେ ଫିଲ୍ମକୁ ନେଇ ତ ଆଉ କେତେବେଳେ ରୋଜଗାରକୁ ନେଇ ରହିଥାନ୍ତି ଚର୍ଚ୍ଚାରେ ।
ବଲିଉଡର ସବୁଠାରୁ ଧନୀ ଅଭିନେତାମାନଙ୍କ ମଧ୍ୟରେ ରହିଛନ୍ତି ଶାହାରୁଖ ଖାନ । ସେ ଫିଲ୍ମ ବ୍ୟତୀତ ଅନେକ ସୋର୍ସରୁ କରିଥାନ୍ତି ରୋଜଗାର । ଏଥିପାଇଁ ସେ ଫିଲ୍ମ ଇଣ୍ଡଷ୍ଟ୍ରିରେ ସର୍ବାଧିକ ରୋଜଗାର କରୁଥିବା ଅଭିନେତା । କିଙ୍ଗଖାନ୍ ଲଗଜୁରୀ ଲାଇଫଷ୍ଟାଇଲ୍ ମେଣ୍ଟେନ୍ କରନ୍ତି । ଦୁନିଆର ଅନେକ ସହରରେ ରହିଛି ତାଙ୍କର ସମ୍ପତ୍ତି । ଅଭିନେତାଙ୍କର ମୁମ୍ବାଇରେ ଥିବା ବିଳାସପୂର୍ଣ୍ଣ ବଙ୍ଗଳାର ନାଁ ମନ୍ନତ ।
ଏହାବ୍ୟତୀତ କିଙ୍ଗଖାନଙ୍କ ଦୁବାଇ ଏବଂ ଲଣ୍ଡନ ଭଳି ସ୍ଥାନରେ ମଧ୍ୟ ସମ୍ପତ୍ତି ରହିଛି । ତାଙ୍କର ବଙ୍ଗଳା ସହ ରହିଛି ଅନେକ ଲଗଜୁରୀ ଗାଡି । ପ୍ରତିଦିନ ଫ୍ୟାନ୍ସ କିଙ୍ଗଖାନଙ୍କ ଗୋଟିଏ ଝଲକ ପାଇବାକୁ ବଙ୍ଗଳା ସାମ୍ନାରେ ଅପେକ୍ଷା କରି ରହିଥାନ୍ତି । ଶାହରୁଖଙ୍କ ମୁମ୍ବାଇର ବଙ୍ଗଳା ବ୍ୟତୀତ ଲଣ୍ଡନରେ ଏକ ବିଳାସପୂର୍ଣ୍ଣ ଘର ରହିଛି । ଯାହା କୌଣସି ମହଲଠାରୁ କମ୍ ନୁହେଁ ।
ଏହି ବଙ୍ଗଳାକୁ ଦେଖିଲେ ଅଭିନେତାଙ୍କ ସମ୍ପତ୍ତିକୁ ଆକଳନ କରିୁପାରିବେ ସେ କେତେ ଲଗଜୁରୀୟସ୍ ଲାଇଫ୍ ଷ୍ଟାଇଲ୍ ମେଣ୍ଟେନ୍ କରନ୍ତି । ନିକଟରେ ଶାହାରୁଖ ଖାନଙ୍କ ଲଣ୍ଡନ ଘରର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଅଭିନେତାଙ୍କ ଏହି ଘର ଲଣ୍ଡନର ଏକ ପ୍ରତିଷ୍ଠିତ ଅଞ୍ଚଳ ପାର୍କ ଲେନରେ ଅବସ୍ଥିତ । ଶାହରୁଖଙ୍କ ଘର ବାହାରେ ଦେଖିବାକୁ ମିଳିଛି ୧୧୭ ନମ୍ବର ।
ଏହାର ଏକ ଭିଡିଓ ମଧ୍ୟ ରହିଛି, ଯେଉଁଥିରେ ଶାହାରୁଖଙ୍କ ପୁଅ ଆର୍ଯ୍ୟନ୍ ଖାନ୍ ମଧ୍ୟ ନଜର ଆସିଛନ୍ତି । ଘରଟି କୌଣସି ମହଲଠାରୁ କମ୍ ନୁହେଁ । ଫଟୋରେ ଦେଖିବାକୁ ମିଳୁଛି ବଙ୍ଗଳାଟି ଲଣ୍ଡନର ଏକ ପ୍ରମୁଖ ସ୍ଥାନରେ ରହିଛି । ଆଉ ବଙ୍ଗଳାଟି ବହୁତ ଶାନ୍ତ ପରିବେଶରେ ରହିଥିବା ଦେଖିବାକୁ ମିଳୁଛି ।
ଯଦି ରିପୋର୍ଟକୁ ବିଶ୍ବାସ କରାଯାଏ, ଯେତେବେଳେ ସୁହାନା ଏବଂ ଆର୍ଯ୍ୟନ୍ ବ୍ରିଟେନରେ ପାଠ ପଢୁଥିଲେ ସେତେବେଳେ ସେମାନେ ଏହି ବଙ୍ଗଳା ସହିତ ଅଧିକ ଜଡିତ ଥିଲେ । ୨୦୦୯ର ରିପୋର୍ଟ ଅନୁଯାୟୀ, ଶାହାରୁଖ ଖାନ ପାର୍କ ଲେନରେ ଅବସ୍ଥିତ ଏହି ଆପାର୍ଟମେଣ୍ଟକୁ ୨୦ ନିୟୁତ ପାଉଣ୍ଡ ଅର୍ଥାତ୍ ପ୍ରାୟ ୨୦୦ କୋଟିରେ କିଣିଥିଲେ । ଶାହାରୁଖ ଖାନଙ୍କ ଏହି ବଙ୍ଗଳା ଦେଖିବା ପରେ ଫ୍ୟାନ୍ସ ଜୋରଦାର୍ କମେଣ୍ଟ କରୁଛନ୍ତି ।
