ନୂଆଦିଲ୍ଲୀ ୨୩।୦୩; ହରିୟାଣାରେ ବଡ଼ ଦୁର୍ଘଟଣା। ଶନିବାର ବାହାଦୂରଗଡର ଏକ ଘରେ ବଡ଼ ଧରଣର ବିସ୍ଫୋରଣ ହୋଇଥିଲା। ଯାହା ପରେ ଘରେ ନିଆଁ ଲାଗିଯାଇଥିଲା। ଏହି ଘଟଣାରେ ପୋଡି ହୋଇ ଚାରି ଜଣଙ୍କର ଯନ୍ତ୍ରଣାଦାୟକ ମୃତ୍ୟୁ ଘଟିଛି। ନିହତ ହୋଇଥିବା ବ୍ୟକ୍ତିମାନଙ୍କ ମଧ୍ୟରେ ଜଣେ ମହିଳା, ଜଣେ ପୁରୁଷ ଏବଂ ଦୁଇ ପିଲା ଥିବା ନେଇ କୁହାଯାଉଛି । ଯେଉଁମାନେ ଗୋଟିଏ ପରିବାରର ସଦସ୍ୟ ଥିଲେ। କେବଳ ଏତିକି ନୁହେଁ, ଦୁର୍ଘଟଣାରେ ଜଣେ ବ୍ୟକ୍ତି ମଧ୍ୟ ଗୁରୁତର ଆହତ ହୋଇଛନ୍ତି। ଯାହାକୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
#WATCH | Haryana: Four people died, and one critically injured after a blast took place at a house in Bahadurgarh. pic.twitter.com/K9tPbAKBGe
— ANI (@ANI) March 22, 2025
ଆହତ ବ୍ୟକ୍ତି ନିକଟସ୍ଥ ହସ୍ପିଟାଲରେ ଚିକିତ୍ସିତ ହେଉଛନ୍ତି। ପୋଲିସ ପକ୍ଷରୁ ମିଳିଥିବା ସୂଚନା ଅନୁଯାୟୀ, ଶନିବାର ରାତି ପ୍ରାୟ ୬.୩୦ ଟା ବେଳେ ଏହି ଘଟଣା ଘଟିଥିଲା। ଯାହା ପରେ ଘରେ ବଡ଼ ଧରଣର ବିସ୍ଫୋରଣ ହେବା ସହ ନିଆଁ ଲାଗିଥିଲା। ନିଆଁ ଲାଗିବା ପରେ ଅଞ୍ଚଳରେ ଆତଙ୍କ ଖେଳିଯାଇଥିଲା। ତୁରନ୍ତ ଅଗ୍ନିଶମ ବିଭାଗକୁ ସୂଚନା ଦିଆଯାଇଥିଲା। ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା।
#WATCH | Haryana: Mayank Mishra, DCP, Bahadurgarh, says, " This is not a cylinder blast, this took place inside the bedroom. The whole house has been affected by the blast impact. Four people have died on the spot and one person is critical and undergoing treatment at a hospital.… pic.twitter.com/AzvzGLVTF1
— ANI (@ANI) March 22, 2025
ଘରେ ଲାଗିଥିବା ନିଆଁରେ ୪ଜଣ ଲୋକ ଜଳିଯାଇ ଘଟଣାସ୍ଥଳରେ ମୃତ୍ୟୁ ବରଣ କରିଥିଲେ। ଏହି ଚାରିଜଣଙ୍କ ମୃତଦେହ ଉଦ୍ଧାର କରାଯାଇଛି। ଏଥିରେ ଦୁଇଜଣ ୧୦ ବର୍ଷର ଶିଶୁ, ଜଣେ ମହିଳା ଏବଂ ଜଣେ ପୁରୁଷ ଅନ୍ତର୍ଭୁକ୍ତ ଥିଲେ । କୁହାଯାଉଛି ଯେ ଏୟାର କଣ୍ଡିସନର (ଏସି) ସଙ୍କୋଚକ ବିସ୍ଫୋରଣ ହେତୁ ଏହି ଦୁର୍ଘଟଣା ଘଟିଛି। ଦୁର୍ଘଟଣାର ପ୍ରକୃତ କାରଣ ଜଣାପଡିନାହିଁ । ଫୋରେନସିକ୍ ଟିମ୍ ମଧ୍ୟ ଘଟଣାସ୍ଥଳରେ ପହଞ୍ଚି ଘଟଣାସ୍ଥଳରୁ ନମୁନା ସଂଗ୍ରହ କରିଥିଲେ। ପୋଲିସ ଏହା ମଧ୍ୟ କହିଛି ଯେ ଘରେ ଥିବା ଏୟାର କଣ୍ଡିସନର ନଷ୍ଟ ହୋଇଯାଇଥିବା ଜଣାପଡିଛି। ଏବେ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି। ଏହି ଘଟଣାର ଅନୁସନ୍ଧାନ କରାଯାଉଛି।
