ଭଦ୍ରକ ୦୨/୦୭: କିଛି ଦିନ ପରେ ପୁଅ ହୋଇଥାନ୍ତା ଡ଼ାକ୍ତର । ରାଜ୍ୟ ବାହାରେ ଡାକ୍ତରୀ ପାଠ୍ୟକ୍ରମର ଶେଷ ପରୀକ୍ଷା ପୂର୍ବରୁ ଦୁର୍ଘଟଣାରେ ଚାଲିଗଲା ଜୀବନ । ପୁଅକୁ ହରାଇ ସଚେତନତା କରାଇବା ଲକ୍ଷରେ ଗୀତ ଲେଖୁଥିଲେ ମା' । ଏବେ ଇଣ୍ଡିଆ ବୁକ ଅଫ ରେକର୍ଡ୍ସରେ ସ୍ଥାନ ପାଇଲେ ମାଆ ସୁଜାତା ଖଟୁଆ ।
ଭଦ୍ରକ ସହରର ନରିପୁର ଅଞ୍ଚଳର ସୁଜାତା ଖଟୁଆଙ୍କ ପୁଅ ରାଜ୍ୟ ବାହାରେ ମେଡିକାଲ ପାଠ୍ୟକ୍ରମ କରୁଥିଲେ । ତେବେ ଶେଷ ପରୀକ୍ଷା ପୂର୍ବରୁ ଏକ ଦୁର୍ଘଟଣାରେ ଗୁରୁତର ହୋଇ ଚିକିତ୍ସିତ ଅବସ୍ଥାରେ ମୃତ୍ୟୁ ବରଣ କରିଥିଲେ । ଘରର ଏକ ମାତ୍ର ସନ୍ତାନକୁ ହରାଇ ପରିବାର ଦୁଃଖରେ ଭାଙ୍ଗିପଡିଥିଲେ । ପରେ ମା' ସୁଜାତା ଦୁର୍ଘଟଣାକୁ ନେଇ ଅନେକ ସଚେତନତାଧର୍ମୀ କବିତା ଓ ଗୀତ ଲେଖୁଥିଲେ । ଏହାକୁ ଆଧାର କରି ତାଙ୍କୁ ଇଣ୍ଡିଆ ବୁକ ଅଫ ରେକର୍ଡ୍ସ ରେ ସ୍ଥାନ ମିଳିଛି ।
