ଭୁବନେଶ୍ୱର ୦୨।୦୪ : ତିନି ଦିନର ଛୁଟି ପରେ ପୁଣି ସରଗରମ ହେବ ବିଧାନସଭା l ଆଜି ବିଧାନସଭାରେ କୃଷି ଓ କୃଷକ ସଶକ୍ତି କରଣ, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ, ଶକ୍ତି, ସମବାୟ, ମତ୍ସ୍ୟ ଓ ପଶୁ ସମ୍ପଦ, ବୟନ ଶିଳ୍ପ, ହସ୍ତତନ୍ତ ଓ ହସ୍ତଶିଳ୍ପ, ସୂକ୍ଷ୍ମ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ,ବିଜ୍ଞାନ ଓ କାରିଗରୀ ବିଭାଗର ପ୍ରଶ୍ନକାଳ ରହିଛି l
ଦ୍ୱିତୀୟ ପର୍ଯ୍ୟାୟ ଅଧିବେଶନର ପ୍ରଥମ ଦିନରୁ ଦୁଇ ବିରୋଧି ଗୃହରେ କଡା ଆଭିମୁଖ୍ୟ ରଖି ଶାସକ ଦଳକୁ ଘେରୁଛନ୍ତି l ଯାହା ଶାସକ ଦଳ ପାଇଁ ଚିନ୍ତାର କାରଣ ସାଜିଛି l ଅନ୍ୟପଟେ ବିଶୃଙ୍ଖଳା ଆଚରଣ ପାଇଁ କଂଗ୍ରେସର ୧୪ ଜଣ ବିଧାୟକ ନିଲମ୍ବନ ହୋଇଛନ୍ତି l ତେଣୁ ଅଭିନବ ଉପାୟରେ କଂଗ୍ରେସ ବିଧାୟକମାନେ ଏହା ବିରୋଧରେ ପ୍ରତିବାଦ ଜାରି ରଖିଛନ୍ତି l ନାରୀ ନିର୍ଯାତନା ପ୍ରସଙ୍ଗରେ କଂଗ୍ରେସ ହାଉସ କମିଟି ମୁଖ୍ୟମନ୍ତ୍ରୀଙ୍କ ବିବୃତି ଦାବି କରି ପ୍ରତିବାଦ ଜାରି ରଖିଛି l ମୁଖ୍ୟ ବିରୋଧୀ ଦଳ ପକ୍ଷରୁ ମୁଲତବୀ ପ୍ରସ୍ତାବ ଦିଆଯିବ l ଶୂନ୍ୟକାଳରେ ବିଜେଡି ବହୁ ଗୁରୁତ୍ଵପୂର୍ଣ୍ଣ ପ୍ରସଂଗ ଉଠାଇ ସରକାରକୁ ଘେରିପାରେ l ସେହିପରି ଶାସକ ଦଳ କିଛି ବିଲ ଗୃହରେ ଆଣିପାରେ l ଯାହାକୁ ନେଇ ବିଧାନସଭା ବେଶ ଉଷ୍ମ ହୋଇପାରେ ।
