ଆଠଗଡ଼ ୦୬।୦୪ : ବନ୍ଧା ହେଲେ ଅମାନିଆ । ଗାଁ ଭିତରେ ବିକଟାଳ ହର୍ଣ୍ଣ ବଜାଇ ଦ୍ରୁତ ଗତିରେ ଗାଡ଼ି ଚଳାଇବା । ଆଉ ଏହାକୁ ବିରୋଧ କରିବାରୁ ମହିଳାଙ୍କୁ ଅସଦାଚରଣ ସହ ଅଶାଳୀନ ମନ୍ତବ୍ୟ ଦେବା ଅଭିଯୋଗରେ ଅଭିଯୁକ୍ତ ଗିରଫ ହୋଇଛନ୍ତି । ଗିରଫ ପରେ ଅଭିଯୁକ୍ତଙ୍କୁ କୋର୍ଟଚାଲାଣ କରିଛି ତିଗିରିଆ ଥାନା ପୋଲିସ ।
ଖବର ଅନୁଯାୟୀ, ଗତ କିଛି ଦିନ ତଳେ ଗଦାଧରପୁର ପଞ୍ଚାୟତ କୋଇଲିକନ୍ୟା ଗାଁର ଯୁବକ ବିକଟାଳ ହର୍ଣ୍ଣ ବଜାଇ ଗାଡ଼ି ଚାଳନା କରୁଥିଲେ। ଏପିରିକି ଗାଁର କିଛି ମହିଳା ଏହାକୁ ବିରୋଧ କରିଥିଲେ । କିନ୍ତୁ ଅଭିଯୁକ୍ତ ସେମାନଙ୍କୁ ଅସଦାଚରଣ ସହ ଅଶାଳୀନ ମନ୍ତବ୍ୟ ଦେଇଥିଲେ । ଯାହାକୁ ନେଇ ତିଗିରିଆ ଥାନାରେ ଲିଖିତ ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ଆଉ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
