ଚଣ୍ଡିଖୋଲ ୦୫।୦୪ : ଯାଜପୁର ଜିଲ୍ଲା ବାଲିଚନ୍ଦ୍ରପୁର ଥାନା ଟିଗିରିଆ ଗାଁରେ ଅଭାବନୀୟ ଘଟଣା । ଲୁଟ୍ କରିବାକୁ ଦୁର୍ବୃତ୍ତଙ୍କ ମରଣାନ୍ତକ ଆକ୍ରମଣ । ଯେଉଁଥିରେ ମା’ଙ୍କର ମୃତ୍ୟୁ ହୋଇଥିବା ବେଳେ ଝିଅ ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ଝିଅଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ଟିଗିରିଆ ଗାଁର କୌଶଲ୍ୟା ପତି ଓ ତାଙ୍କ ଝିଅ ଘରେ ଥିଲେ । ଏହି ସମୟରେ ଦୁଇ ଜଣ ଦୁର୍ବୃତ୍ତ ଲୁଟ୍ କରିବାକୁ ଘରେ ପଶିଥିଲେ । ମା’ ଏବଂ ଝିଅ ଲୁଟେରାଙ୍କୁ ଦେଖି ପାଟି କରିଥିଲେ । ପଡ଼ୋଶୀ ଲୋକ ଆସିଯିବା ଭୟରେ ଦୁର୍ବୃତ୍ତମାନେ ମାଆ ଏବଂ ଝିଅକୁ ଆକ୍ରମଣ କରିଥିଲେ । ଯେଉଁଥିରେ ବୃଦ୍ଧା ମାଆଙ୍କର ମୃତ୍ୟୁ ହୋଇଥିବା ବେଳେ ଝିଅ ଆହତ ହୋଇଥିଲେ । ଅନ୍ୟପଟେ ଝିଅର ପାଟି ଶୁଣି ଘର ପଡୋଶୀ ଘରର ଲୋକେ ଆସିଥିଲେ। ହେଲେ ସେତେବେଳକୁ ଲୁଟେରାମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ହତ୍ୟାକାଣ୍ଡ ପରେ ସ୍ଥାନୀୟ ଲୋକେ ତୁରନ୍ତ ବାଲିଚନ୍ଦ୍ରପୁର ଥାନା ପୋଲିସକୁ ଖବର ଦେଇଥିଲେ । ବାଲିଚନ୍ଦ୍ରପୁର ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ କରୁଛି । ଆବଶ୍ୟକ ପଡିଲେ ସାଇଣ୍ଟିଫିକ୍ ଟିମ୍ର ସହଯୋଗ ମଧ୍ୟ ନେଇପାରେ ପୋଲିସ ।
