ଛତ୍ରପୁର ୨୬।୧୧ : ଗଞ୍ଜାମ ଅତିରିକ୍ତ ଆଞ୍ଚଳିକ ପରିବହନ ଅଧିକାରୀଙ୍କ ଘରେ ପୋଲିସର ରେଡ୍ । ଏଆରଟିଓ କେ. ଭେଙ୍କେଟସଙ୍କ ଘରେ ରେଡ୍ କରୁଛି ପୋଲିସ । ଛତ୍ରପୁର ଚଣ୍ଡି ଛକ ସ୍ଥିତ ବାସଭବନରେ ଛାନ୍ଭିନ୍ କରୁଛି ପୋଲିସ । ଏହି ଚଢାଉ ବେଳେ ପୋଲିସକୁ ୮୨ ହଜାର ୫୦୦ ଟଙ୍କା ମିଳିଥିବା ସୂଚନା ମିଳିଛି ।
ଖବର ଅନୁଯାୟୀ, ଜାତୀୟ ରାଜପଥରେ ବିଭିନ୍ନ ଗାଡିରୁ କାଗଜପତ୍ର ଯାଞ୍ଚ କରି ଟଙ୍କା ଆଦାୟ କରୁଥିଲେ । ଯାହାର ପୋଲିସ ନିକଟରେ ଅଭିଯୋଗ ହୋଇଥିଲା । ଅଭିଯୋଗ ପରେ ଏଆରଟିଓଙ୍କ ସମେତ କିଛି କର୍ମଚାରୀଙ୍କ ଅଟକ ରଖିଥିଲା ପୋଲିସ । ଏହାପରେ ଅତିରିକ୍ତ ଆଞ୍ଚଳିକ ପରିବହନ ଅଧିକାରୀ କେ. ଭେଙ୍କେଟସଙ୍କ ଛତ୍ରପୁର ଚଣ୍ଡି ଛକ ସ୍ଥିତ ବାସଭବନରେ ଚଢାଉ ଚାଲିଛି । ଏହି ଚଢାଉରେ ପୋଲିସକୁ ୮୨ ହଜାର ୫୦୦ ଟଙ୍କା ଜବତ କରିଛି ଗୋଳନ୍ଥରା ପୋଲିସ ।
